Iria Cotelo e Míriam Bermúdez falaron tamén coa entidade sobre o procedemento para que o concello poida realizar a contratación reservada de persoas con discapacidade
Viveiro, 4 de abril de 2023. As concellerías de Emprego e de Accesibilidade do Concello de Viveiro tiveron un primeiro encontro con COGAMI, a Confederación Galega de Persoas con Discapacidade, de cara á elaboración dun Plan de Accesibilidade para Viveiro.
Participaron na xuntanza o presidente de COGAMI, Ramón Sestayo Lestón, e o presidente de COGAMI Lugo, José Luis Lolo Celeiro, acompañados de varios técnicos da confederación. Por parte do Concello asistiron Míriam Bermúdez, concelleira de Accesibilidade e primeira tenenta de alcaldesa, e Iria Cotelo, concelleira de Emprego.
“Solicitamos información para coñecer de primeira man o labor da organización, xa que queremos facer un Plan de Accesibilidade para Viveiro que teña no centro as demandas das persoas con discapacidade”, explica Cotelo.
A concelleira sinalou que o obxectivo é “facer de Viveiro un lugar accesible e cómodo para todas as persoas”. “Temos moito interese en elaborar este I Plan de Accesibilidade para Viveiro, e COGAMI conta cun departamento nesta área encargado de realizar estes proxectos, que son vitais para a eliminación de barreiras no municipio”, engade.
“Tamén mostramos interese en coñecer o procedemento para que o Concello poida realizar a contratación reservada de persoas con discapacidade, xa que para nós é importante usar todas as ferramentas que existen para garantir a igualdade de oportunidades”, destaca a concelleira de Emprego.
Cotelo afirmou que o encontro “foi moi fructífero, e continuaremos traballando de forma coordinada tanto para elaborar o plan como para realizar as contratacións”. “Agradecemos fondamente a disponibilidade dos membros da confederación”, concluíu.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
