Preguntan tamén porque non se promoven todos os instrumentos públicos de apoio para a industria electrointensiva: un novo estatuto, esgotar as compensacións por CO2, a interrompibilidade e os PPAs
A Mariña lucense, 31 de maio de 2024. O Goberno de España terá que explicar se está disposto a intervir a factoría que a multinacional Alcoa ten na Mariña lucense e se empregará a entidade pública SEPI como instrumento para activar esta adquisición, tal e como se fixo con outras empresas estratéxicas, como é o caso máis recente de Telefónica.
Os senadores lucenses do Partido Popular, José Manuel Balseiro, José Manuel Barreiro e Juan Carlos Serrano, presentaron iniciativas na Cámara Alta onde se interesan pola disposición do Goberno para promover medidas para salvagardar a actividade e os empregos da única fábrica de produción de aluminio primario que queda en España.
Balseiro lembra que o Goberno está obrigado a dar ese paso, a través de múltiples acordos das Cortes Xerais, Parlamento galego e de varios Plenos municipais que piden que se active, de ser necesario, a intervención pública instrumental e temporal desta factoría para buscar un comprador solvente.
Os senadores tamén poñen en valor que o aluminio primario é un metal estratéxico para a economía do noso país que, de non producirse en España, tería que ser importado a prezos máis caros, e que ten múltiples aplicacións na construción, automoción, na industria da alimentación e mesmo no tratamento de augas residuais ou os laboratorios farmacéuticos. De feito, a actividade de Alcoa foi declarada “esencial” durante a recente pandemia.
O Goberno tamén terá que aclarar porqué desde a Moncloa non se promoven todos os instrumentos públicos de apoio para a industria electrointensiva. Balseiro cita esas medidas entre as que está un novo estatuto eléctrico verdadeiramente eficaz, esgotar as compensacións por CO2 ata o máximo que permite a Unión Europea, novos apoios vinculados á interrompibilidade ou a axilización dos parques eólicos e dos contratos de electricidade a longo prazo (PPAs) que abaratan o prezo da luz para este tipo de industria altamente dependente da enerxía.
UNHA SITUACIÓN QUE PREOCUPA
Nas súas iniciativas os senadores sinalan que en últimos anos a continuidade da actividade e futuro de Alcoa San Cibrao está en dúbida, fundamentalmente como consecuencia da incapacidade do Goberno de España de garantir un marco eléctrico estable e competitivo para nosa gran industria electrointensiva, que compite con empresas asentadas noutros países europeos onde a sensibilidade a favor desta industria é maior, conscientes do valor estratéxico que representan.
A realidade é que miles de empregos e o futuro de toda unha comarca e, por extensión da provincia de Lugo, onde a actividade desta fábrica de aluminio representa o 30% do seu PIB, ademais de ser o principal motor económico e de forza laboral da zona, esixe un maior compromiso por parte das administracións e, particularmente do Goberno de España, única administración competente no ámbito tarifario e na regulación do mercado da electricidade.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
