A Oficina de Correos de Ribadeo entregará esta guía aos peregrinos co obxectivo de poñer en valor o patrimonio inmaterial do Camiño
Ribadeo, 24 de maio de 2024. Correos entregará aos peregrinos que se pasen pola oficina postal de Avenida de Asturias, 19, a publicación Lendas do Camiño de Santiago. Este caderno ilustrado está impulsado por www.elcaminoconcorreos.com coa finalidade de poñer en valor o patrimonio inmaterial do Roteiro Xacobeo.
O libro, en formato de peto, recolle quince relatos de diferentes Roteiros que contan co apóstolo Santiago como protagonista e que se foron transmitindo de peregrino a peregrino ao longo dos séculos.
As lendas están recompiladas pola Federación Española de Asociacións de Amigos do Camiño de Santiago (FEAACS), explicadas polo seu vogal Isidro Rodríguez, e contan coas ilustracións do deseñador Roi Fernández.
Cada unha delas conta cunha pequena ficha que inclúe título, ámbito xeográfico, roteiro xacobeo e fonte, así como algunhas lendas relacionadas.
Esta publicación do Camiño con Correos enmárcase na iniciativa ‘Camiño Sostible’, impulsada pola área de Responsabilidade Social de Correos, que busca dar a coñecer a riqueza patrimonial que reúnen os roteiros xacobeos.
15 lendas do Camiño de Santiago
Correos, tras abordar o legado natural do Camiño de Santiago na Guía de árbores do Camiño Francés e a Guía de aves do Camiño de Santiago, presenta nesta ocasión unha publicación sobre o legado cultural inmaterial xacobeo.
Na recompilación de lendas atopamos entre outras “O romeu mutilado” ou “A pomba e o hospital de Santa Cristina” incluídas no Códice Calixtino, xunto con outros relatos e milagres sobre a solidariedade, a gratitude, a caridade ou o perdón, motivos que moven as peregrinacións e que permanecen presentes ao longo dos séculos no Camiño de Santiago.
Son todas historias de tradición oral e que tamén foron escritas e recollidas en sermóns e coleccións de “exemplos” para servir de modelo de conduta, que forman parte da bagaxe cultural do Roteiro Xacobeo.
Correos no Camiño do Norte ao seu paso por Ribadeo
Correos ofrece aos peregrinos e peregrinas os seus servizos para resolver necesidades de transporte no Camiño de Santiago e asistirlles ao longo do roteiro.
Neste 2024 volven estar activos o Paq Mochila para o transporte diario de equipaxes de aloxamento en aloxamento, o Paq Peregrino co que enviar maletas e paquetes a calquera punto do Camiño, ou o Paq Bicicleta, un servizo de envío de bicicletas ao comezo do roteiro ou de volta ao teu destino.
Correos tamén conta cun servizo de consigna en Santiago de Compostela na súa oficina de Rúa do Franco 4, a tan só dous minutos da Catedral. Todos os servizos están detallados na web www.elcaminoconcorreos.com.
Nesta páxina os peregrinos tamén poderán atopar onde durmir nun buscador con máis de 4.000 aloxamentos, contarán coa descrición dos Roteiros Xacobeos máis populares e con máis de 300 consellos de que ver e facer no Camiño por parte dos carteiros e carteiras presentes cada día nas súas etapas.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
