Encarna Amigo explica que a unidade de raios móbil adquirida pola Xunta garantirá o acceso a estes servizos nas zonas rurais galegas
Compostela, 2 de maio de 2024. A deputada do Grupo Popular Encarna Amigo demandou hoxe no Parlamento de Galicia que a Xunta inclúa a praza vacante do centro de saúde da Fonsagrada en futuras ofertas públicas de emprego para prazas de difícil cobertura, así como, na medida do posible, contrate un facultativo interino de longa duración.
Encarna Amigo lembrou que “a carencia de médicos de familia é xeneralizada no conxunto de España” e explicou que, “aínda ofertando a totalidade das prazas que acredita o Ministerio de Sanidade, sabemos que son necesarias máis”. “Ese foi o motivo polo que desde o Partido Popular e a Xunta levamos tempo pedindo ao Ministerio que acredite máis prazas para as especialidades deficitarias, como medicina de familia ou pediatría”, apuntou.
MEDIDAS ADOPTADAS POLA XUNTA
Diante desta situación, o Goberno galego adoptou medidas, dentro do seu ámbito de competencias, para poder dar solución aos difíciles problemas existentes para dotar de profesionais a determinados centros. En concreto, puxo en marcha a lexislación de medidas extraordinarias dirixidas a impulsar a provisión de postos de difícil cobertura a través de concurso de méritos, o que xa permitiu ofertar 106 prazas de facultativo especialista de atención primaria en 2022 e outras 72 máis en 2023. Recentemente, a Administración galega xa adxudicou 64 prazas de difícil cobertura, mellorando a atención sanitaria a moitos galegos.
Respecto da prestación de servizos de radioloxía e fisioterapia na Fonsagrada, Encarna Amigo indicou que “a Xunta xa licitou a contratación dunha unidade de raios móbil, que reforzará o servizo no rural galego e que garantirá un adecuado acceso a estes servizos, ao tempo que se optimiza o uso dos recursos públicos”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
