José Tomé Roca reuniuse hoxe en Monforte co persoal que atende a oficina móbil do programa Acelera PEMES, que inicia unha segunda rolda de visitas durante a que fará diferentes paradas ata o 20 de xuño en máis de 50 concellos
Lugo, 6 de maio de 2024. O Presidente da Deputación de Lugo, José Tomé Roca, visitou este luns en Monforte de Lemos a oficina móbil do Acelera PEMES, o programa co que a institución provincial está a ofrecer asesoramento e soporte gratuíto en materia de transformación dixital ás empresas e autónomos da provincia. José Tomé subliñou que dende o inicio deste proxecto, que a institución provincial desenvolve grazas a fondos europeos, son preto de 2.000 as pemes e autónomos que recibiron apoio en dixitalización para modernizar os seus negocios, e gañar eficiencia e competitividade.
O mandatario provincial reuniuse co persoal que se está a encargar de ofrecer o asesoramento nesta unidade móbil, ubicada no día de hoxe nas Casitas da Compañía, e destacou que se trata da segunda rolda de visitas que desenvolve esta iniciativa, durante a que 7 axentes dixitais farán diferentes paradas ata o vindeiro 20 de xuño en máis de 50 concellos.
“As experiencias que estamos tendo son moi positivas, sobre todo naqueles concellos de menos de 5.000 habitantes, onde estamos focalizando máis os esforzos, ao ser onde detectamos que é máis necesario”, subliñou José Tomé.
O Presidente lembrou que desde que se puxo en marcha este programa, o pasado 13 de setembro, a Deputación asesorou xa a máis de 1.750 empresas e atendeu 4.000 consultas, “o que pon de manifesto o grande interese que está a xerar para as pequenas e medianas empresas que traballan na provincia. Estamos a cumprir coas expectativas que nos propuxemos co lanzamento deste programa, co que as empresas gañan en competitividade, en produtividade e en eficiencia, e tamén é moi útil para que abran novas oportunidades de negocio”, sinalou o mandatario provincial. Con esta iniciativa, “estamos a reforzar o apoio ao tecido produtivo como un factor esencial para fixar poboación no rural”, recalcou José Tomé.
Nestes encontros coas empresas os axentes estudan a situación da que parte cada unha delas e buscan ferramentas que encaixen coa súa actividade para beneficiar o seu volume de negocio. Por exemplo, axúdanlles a crear redes sociais e impulsalas para que teñan máis seguidores, tamén á posta en marcha de Whatsapp Business para que interactúen coa súa clientela ou implantan solucións dixitais específicas do seu sector que son moi útiles para os negocios.
O Acelera PEMES está dotado con medio millón de euros, dos cales o 80% procede da Unión Europea a través da entidade pública empresarial Red.Es, dependente do Ministerio para a Transformación Dixital e da Función Pública, e o 20% da propia Deputación de Lugo.
Próximas paradas da oficina móbil
A oficina móbil do Acelera PEMES arrancou esta segunda volta pola provincia a pasada semana nos concellos do Valadouro, Lourenzá, Mondoñedo, Riotorto, A Pontenova, Meira e Pol. Ademais de Monforte de Lemos, hoxe tamén pasou por Sober, e pola tarde estará en Bóveda. As próximas datas e municipios que percorrerá ata o vindeiro 20 de xuño son os seguintes:
Martes, 7 de maio:
Negueira de Muñiz -10.30 horas
A Fonsagrada – 12.30 horas
Ribeira de Piquín – 16.00 horas
Baleira – 17.30 horas
Mércores, 8 de maio:
Láncara-10.30 horas
O Páramo– 12.30 horas
O Corgo– 16.00 horas
Luns, 13 de maio:
Carballedo -10.30 horas
Chantada– 12.30 horas
Taboada– 16.00 horas
Martes, 14 de maio:
Cospeito – 10.30 horas
A Pastoriza – 12.30 horas
Abadín – 16.00 horas
Xoves, 16 de maio:
Alfoz – 10.30 horas
Foz – 12.30 horas
Trabada – 16.00 horas
Luns, 20 de maio:
O Vicedo – 10.30 horas
Viveiro – 12.30 horas
Xove – 16.00 horas
Ourol – 17.30 horas
Martes, 21 de maio:
O Incio -10.30 horas
Samos – 12.30 horas
Triacastela – 16.00 horas
Xoves, 23 de maio:
Pedrafita do Cebreiro – 10.30 horas
As Nogais – 12.30 horas
Cervantes – 16.00 horas
Luns, 27 de maio:
Begonte – 10.30 horas
Guitiriz – 12.30 horas
Friol – 16.00 horas
Mércores, 29 de maio:
Navia de Suarna – 10.30 horas
Becerreá – 12.30 horas
Baralla – 16.00 horas
Castroverde – 17.30 horas
Luns, 3 de xuño:
Ribas de Sil – 10.30 horas
Quiroga – 12.30 horas
Folgoso do Courel – 16.00 horas
Martes, 4 de xuño:
Barreiros– 10.30 horas
Ribadeo -12.30 horas
Castro de Rei – 16.00 horas
Xoves, 20 de xuño:
Guntín – 10.30 horas
Portomarín – 12.30 horas
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
