Ribadeo, 10 de xuño, 2024. O CAPM “A Concordia” de Ribadeo, pertencente á rede pública da Xunta de Galicia, organiza en colaboración co Concello un entrelazado de persoas para concienciar sobre o valor da dignidade das persoas maiores e rachar cas barreiras discriminatorias idadistas: As persoas, cos anos non caducan…e os seus dereitos tampouco.
A Asamblea Xeral da ONU, designou o 15 de xuño como Día Mundial de Toma de Conciencia do Abuso e o Maltrato na Vellez.
Para sensibilizar sobre este menoscabo nos dereitos das persoas maiores e sacar estas violencias da súa comodidade semioculta, deseñouse este trenzado social: o obxectivo é que as persoas participantes se entretezan ás persoas maiores, partindo dun sillón de descanso do CAPM de Ribadeo e rematando nun sillón de descanso que estará colocado no centro das 4 calles desde primeira hora da mañá, o próximo venres 14 de xuño.
Ao longo do percorrido, estarán dispostos cartaces, cas principais demandas que expoñen as persoas maiores:
– ESCÓITAME
– INVOLÚCRAME
– RESPÉCTAME
– COMPRÉNDEME
A actividade dará comezo ás 11:30 e ás 12:00 unha das persoas usuarias do CAPM “A Concordia” lerá un manifesto.
As situacións sobre as que se quere concienciar van desde o descuido e o abandono ata a infantilización ou o ingreso en institucións en contra da súa vontade.
No caso das persoas maiores en situación de vulnerabilidade, persoas dependentes ou con deterioro cognitivo o abuso e o maltrato xera indefensión e ansiedade e agravamento de enfermedades e lesións.
As persoas, debemos tecernos xuntas…. unhas contribuímos a tecer a historia doutras, e esas outras poñen os seus fíos de vida, palabras e tempo para tecer as nosas.
Tod@s… estamos tecid@s uns a outr@s
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
