Ribadeo, 4 de xuño, 2024. Na mañá do martes o voceiro municipal do BNG de Ribadeo, Pablo Vizoso e o deputado ribadense do BNG, Daniel Castro anunciaron que, este último, viña de rexistrar unha serie de iniciativas no Parlamento para instar á Xunta de Galicia a achegar, polo menos, os 700.000 euros que prometeron desde o PP en campaña electoral.
O custe total da reforma cífrase en 1.636.000 euros, que se dividiu nun total de 900 mil euros aportados polo concello en 2023 a través dun préstamo e o restante aportado pola herdanza do Doutor Moreda. Daniel Castro recorda que “por cuestións competenciais debería ser a Xunta de Galicia a administración que sufragase a totalidade deste gasto. Pola contra o único que os e as ribadenses teñen enriba da mesa son promesas, sempre en campaña electoral, nas que din que chegarán 700 mil euros por parte da Xunta de Galiza que nunca chegan.”
“Por esta razón e ante a pasividade e inacción do actual alcalde do Partido Popular, o BNG decidiu tomar a iniciativa e levar a cabo estas xestións para asegurar esa financiación de parte do goberno galego e poder aliviar así as precarias finanzas do concello de Ribadeo desde que é administrado polo Partido Popular.” engadiu tamén Pablo Vizoso. “ Estamos tamén moi preocupados polo pouco avance das obras de reforma, despois de solicitar as certificacións de obra oficiais, a data de 1 de maio só se levaba executado o 4% do total do orzamento, na práctica as obras están paradas. Hai veciños e veciñas da zona que nos alertan de que non se están realizando traballos no inmoble. Esta situación é moi grave para os usuarios desprazados e os familiares dos mesmos que ven cada vez máis lonxe a data de volta á súa casa. É unha situación que levamos meses denunciando sen resposta do goberno municipal máis alá dalgunha nota de prensa intentando calmar os veciños e veciñas de Ribadeo.”
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
