A conselleira de Medio Ambiente e Cambio Climático visitou ao alumnado do CEIP Terra Chá de Vilalba, que participa neste programa formativo
Vilalba, 20 de xuño de 2024. A conselleira de Medio Ambiente e Cambio Climático, Ángeles Vázquez, salientou hoxe o importante labor que está a realizar a Xunta, a través do proxecto Mestres Gandeiros, na concienciación dos escolares galegos sobre as boas prácticas agrarias e medioambientais dos profesionais do medio rural, que contribúen ao coidado da paisaxe e da biodiversidade de Galicia.
A responsable autonómica visitou o CEIP Terra Chá de Vilalba, un dos 15 centros que participaron neste programa durante o curso 2023-2024, onde puxo en valor unha iniciativa educativa que involucrou a máis de 780 alumnos -de infantil, primaria, secundaria, bacharelato e Formación Profesional- e 120 docentes de Galicia.
Esta acción -impulsada pola Consellería de Medio Ambiente e Cambio Climático en colaboración coa Consellería de Educación, Ciencia, Universidades e Formación Profesional e enmarcada no Plan Proxecta- trata de transmitir aos escolares a cultura do coidado da terra e da natureza mostrando o xeito en que os agricultores e gandeiros da comunidade se converten en importantes activos na protección do medio ambiente polas boas prácticas que caracterizan o seu labor diario.
Ángeles Vázquez, que estivo acompañada polo delegado territorial da Xunta en Lugo, Javier Arias, lembrou que esta iniciativa xurdiu como resultado do proxecto Interreg Europe Biogov, desenvolvido no período 2018-2021 e no que Galicia foi pioneira a nivel nacional ao ser, a través do Instituto de Estudos do Territorio (IET), un dos nove socios europeos que participaron na súa execución.
A representante do Executivo galego puxo en valor a singularidade do proxecto Mestres Gandeiros e destacou que esta iniciativa foi elixida pola Consellería de Educación, Ciencia, Universidades e Formación Profesional para representar a Galicia na serie de publicacións de boas prácticas que a Subdirección Xeral de Cooperación Territorial e Innovación Educativa do Goberno central difunde sobre educación para o desenvolvemento sostible.
A súa elección debeuse a que se trata dunha acción cun traballo profundo, coa preparación de material didáctico de moita calidade e que defende o desenvolvemento sostible desde as perspectivas natural, demográfica e económica. Ademais, foi distinguida co Premio empregados públicos innovadores na edición de 2022.
CEIP Terra Chá
Este centro educativo participa no programa Mestres Gandeiros con 73 alumnos -do segundo ciclo de infantil e todos os ciclos de primaria- e 10 docentes cunha actividade didáctica centrada no coidado e características da ovella galega na súa contorna e na difusión dos valores naturais e paisaxísticos da provincia.
De feito, o CEIP Terra Chá conta cun invernadoiro cunha horta ecolóxica, un galiñeiro con animais de raza autóctona como a galiña de Mos e dous exemplares de ovella galega, o que o converte no primeiro centro educativo de Galicia que cría esta última especie nas súas instalacións. Ademais, este colexio converteuse nunha explotación gandeira a todos os efectos pois está inscrito como instalación criadora da raza ovella galega e ten o seu galiñeiro convenientemente rexistrado.
Ao longo do curso académico o alumnado colabora nos traballos de coidado do galiñeiro, da horta e das ovellas, o que lle permite adquirir coñecementos no eido das ciencias naturais e sociais ao tempo que aumentan a súa sensibilización no coidado da flora, da fauna e do medio ambiente no seu conxunto. Deste xeito as nenas e nenos adquiren unha maior conciencia ambiental ao participar nunha experiencia enriquecedora na que se involucran eles, as súas familias e o profesorado do centro.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
