Ribadeo, 19 de xuño de 2024. Ribadeo contará cunha biblioteca indiana no Círculo Habanero da Devesa. Así o anunciou o alcalde, Dani Vega, que visitou a instalación acompañado polo director xeral de Cultura, Anxo Lorenzo, polo delegado territorial da Xunta, Javier Arias, e pola concelleira de Cultura, Begoña Sanjurjo.
O rexedor subliñou que “a Xunta de Galicia vai investir preto de 18.000 euros para transformar unha das escolas situadas no entorno do Círculo de Habanero nunha biblioteca indiana. Pouco a pouco vamos mellorando todas as instalacións deste centro que ten unha clara vocación, que é a formación e é a divulgación. Así o deixaron escrito moitos indianos que viñan de volta á nosa terra e que querían que na parroquia da Devesa, no concello de Ribadeo, existira un centro onde conservar un legado cultural, un legado indiano. Nosoutros vimos colaborando con esta asociación xa non é da agora, senón cando estabamos na oposición tamén, e polo tanto seguimos defendendo o mesmo, que o Círculo Habanero é un centro cultural que debemos conservar”.
Vega dixo: “eu non me canso de darlle as grazas á dirección, á asociación que coordina este centro, porque están tendo unha responsabilidade máxima que é conservar un legado cultural e tamén un patrimonio que nos foi regalado a Ribadeo, á Devesa, e debemos conservar entre todos. Polo tanto, converter unha vella escola que non tiña moita utilidade nunha biblioteca indiana, onde permaneza un legado cultural, un legado indiano tamén un centro de información, de divulgación de todo ese legado indiano, eu creo que é interesantísimo e debemos traballar conxuntamente”.
O alcalde explicou que “a Xunta de Galicia está colaborando, xa viña colaborando dende hai tempo con eles, e nestes momentos o que se está a facer é converter esa vella escola nunha biblioteca indiana. Agora o que se está a facer é retirar toda a madeira vella do teito, que tiña polilla, sacouse todo e se está incorporando a nova madeira para ter un teito conservado e que tamén estea nunhas boas condicións. Tamén se van incorporar toda unha serie de mobles: atril para os libros, mobles acristalados, mesa de lectura, con lámpadas tamén de lectura, sillas, bancos, é dicir todos os elementos fundamentais e necesarios para que verdadeiramente exista no Círculo Habanero unha biblioteca indiana. Toda esta inversión o que quere é seguir mellorando o Círculo Habanero que queremos, que nos deixaron. E nós temos a responsabilidade de conservar, coidar e investir, que é para o que están as administracións”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
