Como exemplo do extraordinario labor desta Organización para garantir a viabilidade da actividade marítimo-pesqueira, Villares cita o recurso presentado ao veto da Comisión Europea á pesca de fondo, e que obtivo o apoio absoluto do Goberno galego
Burela, 10 de xullo de 2024. O conselleiro do Mar, Alfonso Villares, confirma que a modernización da frota é un dos eixos prioritarios da Consellería que dirixe. Así o manifestou na clausura da xornada Innovación e Tecnoloxía na Pesca, organizada pola OPP-7 de Burela, na que se puxo en valor o papel da formación como ferramenta fundamental para a actualización e desenvolvemento do sector; áreas nas que o uso das novas tecnoloxías son prioridades básicas para logralos. O simposio foi inaugurado polo director xeral de Pesca, Acuicultura e Innovación Tecnolóxica, Antonio Basanta.
Na súa intervención, o titular de Mar destacou que se está traballando en iniciativas que melloren a hixiene, a saúde e as condicións de traballo a bordo; que aumenten o valor engadido, a economía circular e a seguridade alimentaria; que limiten o impacto da pesca e reduzan os efectos do cambio climático; e que aumenten a eficiencia enerxética e reduzan as emisións de CO2. E é que, segundo remarcou Villares, a modernización da frota será decisiva para mellorar a partir deste ano situacións como a dos vetos en augas da Unión Europea. O exemplo é o palangre de fondo que, malia ser unha das artes máis damnificadas neste senso, é, por exemplo, unha das máis respectuosas co medio mariño.
Co sector
Así, neste escenario, para o dirixente autonómico, a OPP-7 está demostrando unha excelente capacidade de anticipación, como así o proba a súa experiencia no traballos de negociación de normativas ou de representación sectorial, sendo interlocutor ante as administracións europea, nacional e autonómica, ao formar parte da Comisión Internacional para a Conservación do Atún Altántico (ICCAT), do Consello Galego de Pesca ou da Confederación Española de Pesca.
O exemplo máis recente, lembrou Alfonso Villares, é a presentación do recurso contra o veto da Comisión Europea á pesca de fondo en 87 zonas de augas comunitarias, e cuxa vista oral se celebrou a semana pasada, en Luxemburgo, e na que o Goberno galego rebateu todos os argumentos técnicos alegados pola Comisión e o Parlamento Europeo, pois o palangre demersal, destinado á captura de pescada como especie obxectivo non reúne as condicións sinaladas no Regulamento base, e esta modalidade non figura na clasificación establecida sobre protección dos ecosistemas mariños vulnerable de alta mar fronte aos efectos adversos da utilización de artes de fondo.
O conselleiro do Mar felicitou, por tanto, á Organización de Produtores Pesqueiros de Burela pola iniciativa e animou aos seus integrantes a seguir traballando na mesma senda que o vén facendo dende que foi creada en 1.986, co fin de contribuír á boa marcha da PPC e da Organización Común do Mercado marítimo-pesqueiro europeo. Esta OPP desenvolve hoxe un extraordinario labor no fomento do exercicio dunha actividade viable e sostible e aumentando a rendibilidade económica dos seus membros, evitando e reducindo capturas non desexadas e contribuíndo á rastrexabilidade dos produtos da pesca e o abastecemento de alimentos. En definitiva, segundo destacou o titular de Mar, un colectivo clave para incrementar o valor de conxunto da cadea mar-industria.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
