Foz, 31 de xullo, 2024. As xornadas de historia de Foz organizadas pola asociación cultural A Pomba do Arco féchanse hoxe o xoves 1 de agosto as 20:30 cunha palestra sobre A Mariña entre os séculos I e IV que se desenvolverá na casa da cultura “Poeta Manuel María” de Foz. A conferencia será pronunciada por Antonio Rodríguez Baixeras.
Antonio Rodríguez Baixeras, natural de Ribadeo pero ligado familiarmente ao concello de Foz, e máis concretamente a parroquia de Nois, é doutor en Historia, destacando polos seu traballos sobre a Idade Medio, moi particularmente polos seus séculos iniciais. Neste liña, atesoura unha longa traxectoria como investigador, cunha abondosa bibliografía.
A palestra fará un percorrido polas terras da Mariña no período da romanización, desvelando as referencias a esta comarca nas fontes clásicas dos autores do período e percorrendo as pegadas dos romanos na zona. A este respecto, Baixeras destaca a “interesante información dos escritores romanos da época que falaron da xeografía ou a poboación da Mariña”.
Baixeras indica que “pola comarca Mariña non discorría ningunha calzada romana importante, e estas son concibidas como eixos de todo o proceso de romanización o que explica a ausencia de referencias á zona nos mapas ao uso referentes”. Porén, desvela que as “referencias ao período na documentación da época, na cartografía e na arqueoloxía permítenos facer un composición sobre ese momento”.
O relator das xornadas de historia deste xoves apunta que “afortunadamente mapas máis especializados como o da Tabula Imperii Romani da Unión Académica Internacional (1.991) acredita a pegada romana sen ningún xénero de dúbida en Bares (Mañón), Cadabarcos (Mañón), Montoxo (Mañón), Praia de Area (Viveiro), Cadramón (O Valadouro) Mondoñedo, A Espiñeira (Foz) e Fazouro (Foz)”.
A Espiñeira acolleu durante a época romana un dos meirandes xacementos de ouro da Galiza, cuxa explotación rematou, probablemente, por volta do século III. A mina foi unha das máis grandes da época na Galiza, sumando máis de 150 hectáreas entre os concellos de Foz e de Barreiros, sendo propiedade do Imperio Romano e estando catalogada desde 2014, grazas ao labor de Mariña Patrimonio.
A arqueoloxía confirmou, tamén, a presenza dun embarcadoiro do período romano na praia da Pampillosa na desembocadura do río Ouro, en Fazouro, nas proximidades do castro do mesmo nome. Neste sentido, a súa existencia incide nas relacións económicas entre a área da Mariña é outro territorios integrados no Imperio Romano.
Baixeras sinala que “na charla faremos un pequeno percorrido por estes e outros lugares, facendo especial énfase na análise de aspectos monumentais dos castros romanizados como saunas e fortificacións”. A este respecto, destaca a importante rede deste tipo de asentamentos en todo o concello de Foz.
As pegadas romanas pódese seguir, sen ir máis lonxe, no castro de Fazouro. Así, por exemplo durante unhas das escavacións do enclave, apareceron, entre outros materiais, unha moeda romana de Antoniano, unha fíbula, restos cerámicos e un muíño circular que permite datar o castro entre os séculos I a.C e III d. C.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.