Barreiros, 19 de xullo de 2024. O vindeiro domingo, 21 de xullo, Barreiros acollerá a décima edición da carreira popular 1/2 km Vertical Monte Comado, un evento deportivo consolidado que segue medrando ano a ano como así o demostran as máis de 150 persoas inscritas para esta edición.
O evento deportivo está organizado pola Asociación Cultural e Deportiva Praias de Comado en colaboración co Concello de Barreiros. A carreira forma parte do circuíto de carreiras populares MáisKmsBarreiros que organiza o Concello de Barreiros.
O concelleiro de dinamización, Dani García, sinala que “o feito de estar no marco do circuíto máiskmsbarreiros dálles ás probas que se celebran no municipio un carácter uniforme pero sempre respectando as peculiaridades da cada unha”.
As competicións darán comezo ás 11:00 horas co Trail infantil que terá lugar no cumio do monte Comado. Logo, ás 11:30 horas, dará comezo a carreira absoluta coa saída na praia de Arealonga e meta no alto do monte Comado. A distancia desta carreira é de 4 km, salvando un desnivel positivo de aproximadamente 500 metros.
O edil lembra que “a través da participación nas mesmas, os e as atletas participantes sumarán puntos segundo o posto acadado e poderán optar aos 1000€ en premios que se entregarán na gala final de premiación”.
García destacou que “este circuíto de carreiras populares non só fomenta a práctica deportiva e a vida saudable, senón que tamén crea un senso de comunidade entre as persoas participantes que compiten e se motivan mutuamente para mellorar en cada proba”.
Tras dúas probas disputadas, a clasificación do circuíto “maiskmsbarreiros” marcha do seguinte xeito:
Clasificación absoluta feminina:
1ª Lorena Iglesia Vila – 415 Puntos
2ª Silvia Diez Bermúdez – 367 Puntos
3ª Soniña Corral F. – 363 Puntos
Clasificación absoluta masculina:
1º Alberto Arias Freije – 500 Puntos
2º Adrián Vijande López – 440 Puntos
3º Carlos Fernández Sánchez – 367 Puntos
Clasificacións infantís:
1ª SUB-10 F Mara Krüger Mosquera – 500 Puntos
1º SUB-10 M Daniel López Fernández – 440 Puntos
1ª SUB-12 F Daniela de la Plaza Calvo – 470 Puntos
1º SUB-12 M Jonathan León Hernando – 500 Puntos
1ª SUB-14 F Xiana Farias Novoa – 440 Puntos
1º SUB-14 M Pedro Moirón Soto – 500 Puntos
1ª SUB-16 F Sara Samrawit Otero Gutiérrez – 470 Puntos
1º SUB-16 M Nacho Villoria Amieiro – 250 Puntos
Clasificación por colexios
1º Colexio Sagrado Corazón de Xesús (Ribadeo) 15 Puntos
2º CEIP Juan Rey (Lourenzá) 10 Puntos
3º CEIP Península de la Paz (San Cibrao) 8 Puntos
4º CEIP As Meredes (Lugo) 6 Puntos
Clasificación por equipos
1º Os Comadistas – 1370 Puntos
2º Club Atletismo Lourenzá – 1273 Puntos
3º Ría de Foz – 1145 Puntos
4º Club Atletismo Ribadeo – 699 Puntos
Para máis información sobre esta carreira e o circuíto en xeral, poden visitar a web www.maiskmsbarreiros.gal.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
