Convértese no único concello da provincia de Lugo que dispón desta certificación
Burela, 10 de xullo de 2024. A alcaldesa de Burela, Carmela López, e a conselleira delegada de Espiña & Delfín, Rosa Branca Rodríguez, recolleron esta mañá os certificados da norma ISO 22000:2018 para o servizo de abastecemento de Burela. A responsable da firma de certificación alemá TÜV Rheinland foi a encargada de facer a entrega nun acto celebrado esta mañá na sala de plenos do Concello de Burela.
Coa implantación da norma ISO 22000:2018, un estándar mundial de referencia no ámbito da seguridade alimentaria, achéganse novas garantías de calidade aos cidadáns xa que se dispón dun modelo preventivo que permite identificar, avaliar e xestionar os posibles riscos que poden afectar á calidade da auga antes de que estes cheguen á billa do consumidor.
A alcaldesa matizou que o que se busca é ir cara a un novo sistema preventivo integral. Ata o de agora, a garantía sanitaria do control da auga de consumo realizábase a posteriori, xa que cando o laboratorio de análise de control dispoñía da resultados a auga xa se atopaba dentro do sistema de distribución.
Na práctica, a implementación deste sistema preventivo ha suposto a realización de numerosas actuacións nas instalacións municipais. Así, instaláronse medidores en continuo dos principais parámetros a controlar, como o cloro e o pH. Estes medidores transmiten e documentan a evolución dos parámetros en tempo real ao longo de todo o día. En caso de detectar algunha incidencia paralízase de maneira inmediata a entrada de auga nas instalacións e emítense alertas aos dispositivos móbiles dos operarios.
Todas as instalacións do servizo contrólanse permanentemente a través de telexestión e automatización, o que permite actuacións a distancia as 24 horas dos 365 días do ano. Ademais, instaláronse sistemas de antiintrusión para previr actos de vandalismo ou sabotaxe e realízanse campañas preventivas de control de pragas.
Carmela López explicou que a certificación “é o colofón a un traballo entre Espiña & Delfín e as autoridades municipais que sitúa ao noso concello ao máis alto nivel de esixencia, rigor e exhaustividad no concernente á auga potable”.
Pola súa banda, Rosa Branca Rodríguez asegurou que “tras empezar a traballar neste concello en 1998, e despois de realizar numerosas actuacións nas instalacións municipais, é un orgullo poder obter esta certificación para o servizo de augas de Burela”.
Plan de melloras
O concelleiro de obras e servizos, Ramiro Fernández, destacou que grazas ao forte investimento realizado ao longo de todos estes anos o rendemento da rede é do 88 %, moi superior ao 80 % esixido pola Xunta de Galicia. Estes datos de eficiencia sitúan a Burela nun posto de vangarda a nivel autonómico. E que co novo plan de melloras que acaba de aprobar o consistorio executaranse obras por valor de 328.756 euros para os dous próximos anos.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
