Barreiros, 28 Xullo, 2024. O equipo de rescate do helicóptero Pesca II, do Servizo de Gardacostas de Galicia, recolleu ao ferido e trasladouno ao Hospital de Burela.
Foi un particular que se atopaba pescando con el quen alertou ao 112 Galicia dez minutos antes das 11:30 horas: o home caeu á auga nunha zona de rochas en San Pedro de Benquerencia, preto das praias de Arealonga e das Pasadas, e estaba ferido nunha perna. No momento da chamada, conseguira agarrarse e subir nunha pedra.
Rapidamente, desde o 112 Galicia solicitouse a acción de Urxencias Sanitarias de Galicia-061, de Salvamento Marítimo, do Servizo de Gardacostas de Galicia, da Garda Civil, dos Bombeiros de Viveiro, do GES de Cervo e dos voluntarios de Protección Civil de Barreiros.
Xa nese intre, desde Salvamento Marítimo informaron da mobilización do helicóptero de rescate Pesca II, do Servizo de Gardacostas de Galicia, que acudiu decontado ao lugar dos feitos para efectuar o rescate.
Ao mesmo tempo, os medios en terra sinalaban a complexidade do operativo, que finalmente foi completado polo equipo do Pesca II, tralo que evacuaron ao ferido ao Hospital de Burela.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
