Viveiro, 12 de agosto de 2024. O Concello de Viveiro acolle desde hoxe e ata o xoves a súa Feira do Libro nos Xardíns de Noriega Varela.
A feira está aberta de 12:00 a 14:00 e de 18:00 a 22:00 horas ata o mércores, mentres que o xoves a clausura será ás 14:30 horas, cunha programación para todas as idades, actividades para nenos e as tradicionais sinaturas por parte dos autores e autoras.
A pregoeira foi Aurelia Balseiro, directora do Museo Provincial de Lugo, e a pregoeira infantil Sofiya Insua Evtyukova.
A concelleira de Cultura, Lara Fernández Fernández-Noriega, destacou que a de Viveiro “é unha das feiras máis antigas de Galicia”, ademais de destacar “a honra de ter unha vez máis dúas pregoeiras mulleres, xa que fan falla moitas mulleres na cultura”.
“Esta feira non sería posible sen a presenza e o traballo durante todo o ano dos libreiros e libreiras, profesionais dun sector fundamental na nosa sociedade”, engadiu.
En concreto, os establecementos e entidades participantes nesta Feira do Libro de Viveiro 2024 son: a Libraría Porta Da Vila; Libraría Cartabón; Galgo Azul; Libraría Pedreira; Libraría Lume; Libraría Uróboros; Editorial Canela-Libros Lar; Libraría Aenea; A Gata Tola; Libraría de Rosa-Nobel Boiro; Central Librera Real; Seminario de Estudos Terra de Viveiro, e o Servizo de Publicacións da Deputación de Lugo.
A programación desta tarde comeza na carpa de actividades co espectáculo musical infantil e familiar ‘A Ramona pequena vai á Lúa’ de Pakolas, tras a que chegará a presentación de ‘Pronto hei de volver’, de Amador Castro, Premio Torrente Ballester, acompañado por Juan Rodríguez, libreiro de O Galgo Azul.
Ás 20:30 horas, presentación do libro ‘Barcos y gentes del mar de A Mariña’, de José Pino, que estará acompañado polo divulgador da cultura marítima galega Emilio Xosé Ínsua e polo editor Pablo Pérez.
Tamén hoxe comezan nas casetas das librarías as sinaturas e os encontros dos lectores e as lectoras cos escritores e escritoras con Inma Soto, que asinou ‘Xela, a superheroina de aldea’, Juan José Abalde, e xa pola tarde, Zhienia Maisak e Perfecto Souto.
Podedes consultar a programación completa aquí: https://www.librarias.org/es/evento/EVE001312
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
