A atención primaria e hospitalaria están prácticamente desmanteladas
A Mariña, 25 de agosto de 2024. A Plataforma Sanitaria da Mariña denuncia que o distrito sanitario da Mariña atópase nunha situación moi deficitaria en relación aos servizos sanitarios básicos en todas as épocas do ano, máis nas épocas estivais agudízanse moito os déficits, xa que a poboación na comarca triplica ou cuadruplica a súa poboación.
Malia que o SERGAS e a Consellería de Sanidade persisten en tentar convencer á poboación de que todo funciona á perfección, a realidade é que a día de hoxe hai centros de saúde onde falta o cen por cen do cadro médico nestes momentos e estase a substituir cunha persoa que realiza actividade asistencial dúas horas , como está a acontecer en Trabada onde hai un ano que se xubilou un dos facultativos e en ningún momento se cubriu esa ausencia; sumándose nestes momentos a falta do segundo facultativo. Na localidade do Vicedo situación de falta de médic@s desde hai máis dun ano é insostible e vergoñenta e desde este colectivo esiximos que se lle de resposta inmediata a unha poboación que está a mobilizarse prácticamente todas as semanas pola falta de facultativos. No resto de centros de saúde da Mariña a situación é tamén grave xa que non se cubren as ausencias por baixas, permisos ou vacacións, poñéndose parches a costa do persoal que con moi boa vontade cubren as ausencias d@s compañeir@s ou prolongan a súa xornada. A maiores non contamos con persoal para atender ás persoas desplazadas, o que agrava e magnifica a crítica situación xa existente.
Na atención hospitalaria “estamos a sufrir un incremento nas derivacións cara a Lugo para a atención de procesos que deberían ser resoltos no propio hospital da Mariña, pois sumado á decisión da Xerencia de pechar a planta de Medicina Interna, estamos en niveis mínimos de persoal desde hai moito tempo ou incluso con ausencia total de profesionais nalgunha especialidade”.
Unha única ambulancia medicalizada para toda a Mariña e na que o goberno da Xunta eliminou o segundo técnico sanitario
O caso da ambulancia medicalizada na Mariña é outra das eivas que levamos denunciando desde hai anos, xa que a comarca dispón dunha única ambulancia medicalizada para máis de setenta mil habitantes, cifra que se multiplica por catro no verán. Tendo en conta ademáis que esta comarca está moi dispersa en canto a poboación, que se tarda máis dunha hora en percorrela dun extremo a outro, e que a maiores de atender as urxencias no distrito sanitario debe facer certos traslados interhospitalarios, quedándonos nestes casos sen ningún dispositivo durante moito tempo, a conclusión que se pode sacar é que existen tamén serias deficiencias neste servizo. Xunto a estes datos hai que engadir a decisión política de suprimir o segundo técnico sanitario do dispositivo. Esta decisión resultou ser ineficaz, inefectiva e incomprensible, posto que nestas ambulancias son imprescindibles estas dúas persoas técnicas pois cada unha das dúas ten funcións importantísimas que non poden ser asumidas por unha soa persoa, sendo necesario que en moitas ocasións haxa que mobilizar un segundo dispositivo de soporte vital básico que aporte este persoal suprimido.
A Saúde Mental en situación crítica pola falta de persoal e a centralización de dispositivos
O servizo de Saúde Mental da Mariña atópase tamén nunha grave situación de falta de persoal, con adiamentos nas citas dos pacientes, o que está a producir malestar nas persoas que teñen que recibir tratamentos ou ter consultas de seguimento. Na actualidade solo contamos con unha psiquiatra para a atención de máis de setenta mil habitantes pola non substitución dos outros dous profesionais que faltan nestes momentos. Este situación non é máis que a punta do iceberg dun servizo que conta únicamente con dous especialistas en psicoloxía clínica, o que supón menos da metade dos que debería haber se atendemos ás ratios do Estado, xa de por si deficitarias con respecto a Europa. Esta dramática situación fai que as listas de agarda sobrepasen o ano sen posibilidade de poder impartir psicoterapia de xeito apropiado en tempo e forma, co resultado de que moitos pacientes non se poden beneficiar deste tratamento que contribuiría a diminuir as doses de psicofármacos á vez que melloraría significativamente a súa enfermidade.
A decisión do goberno da Xunta de suprimir a área sanitaria da Mariña incidiu de xeito especialmente negativo no servizo de Saúde Mental, centralizándose os recursos humanos e os dispositivos na capital e impedindo que esta comarca poidera contar con un hospital de día infanto xuvenil e dunha unidade de prevención do suicidio, servizos que desde a Plataforma Sanitaria da Mariña entendemos como básicos e fundamentais, e obrigándonos a desplazarnos a Lugo para poder utilizalos.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
