A proxección e votación será o xoves 8 de agosto, ás 20h, no Cine de Ribadeo. A Gala Final, o venres 9, ás 20h, no Cine Teatro de Ribadeo
Ribadeo, 5 de agosto, 2024. Consolidado xa coma unha das grandes datas da cultura cinematográfica da Mariña Lucense, o Festival de Cine Curto de Ribadeo volve coa súa terceira edición neste mes de agosto, mantendo a iniciativa orixinal de achegar ao público o mundo da curtametraxe e seleccionar traballos relacionados cos cineastas e profesionais da zona.
Na segunda edición, a curtametraxe “Nena”, do actor e humorista Xosé Antonio Touriñán e o director Jairo Iglesias, resultara o traballo más votado e recibira o Premio do Público. Ademais, otorgárase a Mención do Xurado á curtametraxe “Sandwich Cat”, de David Fidalgo. Este ano, oito novas curtametraxes, todas recentes, vencelladas coa nosa zona e de xéneros variados, competirán polo Premio: “Segunda”, de Anita Pico; “Pathos”, de Andrea Noceda; “Histeria do meu pequeno mundo”, de Pablo Fontenla; “Alicia fai cousas”, de Ángel Santos; “Vellamorta”, de Juan Galiñanes e Andrea Bouzo; “Los domingos que quedan”, de Manolo Pavón; “Trastos: un día normal na vida de Persoa Maceta Lámpada”, de Javier Blanco Armada, e “Esto no es Noruega”, de Alicia Albares e Paco Cavero.
Dende a organización do Festival, animan ao público a asistir a ambos eventos, xa que cada un ofrecerá unha parte distinta da experiencia dun festival de cine e, ademais, a entrada é gratuita. A primeira data, a proxección e votación do público asistente, o xoves 8 de agosto ás 20 h no Cine de Ribadeo, será o único dos dous días que se poderán ver e puntuar as oito curtas seleccionadas, presentadas alí mesmo polos seus autores. A segunda data obrigada será a Gala Final, o venres 9 ás 20 h no Cine Teatro de Ribadeo. Nela, o padriño desta edición e recente gañador do Festival, Xosé Antonio Touriñán, actor, humorista e director, fará entrega do Premio do Público e da Mención do Xurado. Ademais, nesta Gala, a cantante e compositora Belém Tajes, ex-integrante do grupo Luar na Lubre e autora da banda sonora da curtametraxe gañadora do ano pasado, ofrecerá unha actuación.
Este Festival, promovido pola compositora ribadense Carme Rodríguez, en colaboración con Gloria González, Mónica Arnanz e Sergio García-Ramos, está financiado polo Concello de Ribadeo e a Xunta de Galicia, e conta coa axuda do Hotel Voar e a asociación As Vacas Fracas. Esta é unha iniciativa cultural pioneira e diferente na nosa zona, que quere poñer en valor os traballos dos departamentos do cine máis invisibles, pero sempre imprescindibles, e que trata de facer chegar ao público xeral o formato da curtametraxe, ás veces descoñecido, no que se atopan os grandes talentos do futuro e do presente, respondendo sempre a este lema: aquí tamén se fai cine.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
