As actuacións, cun orzamento de máis de 50.000 euros, incluirán a instalación dunha corda tirolesa de 25 metros que converterá a este no único parque do casco urbano con este tipo de infraestrutura
Vilalba, 26 de agosto de 2024. A empresa adxudicataria das obras do parque infantil da Rúa da Emigración, no casco urbano vilalbés, comezou no día de hoxe as actuacións para proceder á renovación e acondicionamento do mesmo.
En concreto, as obras incluirán a colocación dunha corda tirolesa de 25 metros de lonxitude, así como a reparación e reinstalación dos xogos existentes, que se complementará co cambio de localización do mobiliario co que conta actualmente o parque infantil.
Pola súa banda, os traballos tamén suporán a demolición e retirada do actual pavimento amortecedor e as soleiras de formigón que conforman a súa base, para logo instalar un novo pavimento de seguridade con acabado de céspede artificial.
Un conxunto de actuacións que “dan resposta ás necesidades demandadas polos nenos e nenas no Consello da Infancia e mellorarán o estado dos xogos infantís e da contorna para dotala de maior seguridade e confort para os usuarios e usuarias”, explicou a alcaldesa, Marta Rouco.
Así mesmo, a rexedora tamén salientou “o dinamismo que aportará a colocación da corda tirolesa, sendo este o único parque do noso casco urbano que contará cunha infraestrutura coma esta” e a cal se inclúe nun proxecto de obra que ascende aos 51.112,23 euros de inversión.
En canto ao orzamento, 35.778,56 euros serán achegados en forma de subvención pola Consellería de Presidencia, Xustiza e Deportes e os 15.333,67 euros restantes correrán a cargo das arcas municipais.
Finalmente, no referido ao prazo de execución das obras, a previsión da empresa responsable das mesmas é ter rematadas as actuacións durante o vindeiro mes de setembro, de tal forma que os nenos e nenas poidan aproveitar as melloras realizadas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
