Mañón, 18 de agosto, 2024Este domingo 18 de agosto tivo lugar un acto que ven a significar un paso adiante na recuperación da memoria histórica democrática da nosa terra: a descuberta dunha placa en honra a Jesús Castaño Galdo, alcalde de Mañón do 16 de marzo de 1936 ata ser deposto e posteriormente fusilado polas forzas golpistas que viñeron a derrubar a II República española.
Este acto foi promovido por Nordés, asociación polo desenvolvemento das Terras da Faladora, unha vez que presentou unha moción dirixida ao pleno municipal do Concello de Mañón en maio do ano 2023 sendo aprobada por unanimidade.
Deste xeito, e unha vez aprobada a moción, decidiuse incluir o acto como primeiro dos que terán lugar nos próximos días dentro da programación das XIV Xornadas Memoria dun Tempo, contando coa presenza das netas do alcalde represaliado Mª Jesús e Carme Armada, do alcalde do concello de Mañón e representando ao PP, Alfredo Dovale, en representación do PSOE o concelleiro Martín Rego, pola parte de Nordés a súa presidenta Maribel Lorenzo, a participación de Emilio Grandío, Catedrático da USC, e de David Bellas, Profesor do Conservatorio de Viveiro pola parte musical, elenco que non quedou aí pois asisitiron tamén o cronista oficial do Concello de Mañón, Hixinio Puentes, e igualmente representantes de Terras do Ortegal, da Sociedade de Instrución “A Devesana”, da Asociación “Memoria da Mariña”, do Teatro das Cortes de Cabanas (O Vicedo), e do Instituto de Lingua Galega e da Comisión pro-Memorial de Ferrol.
Ao acto acudiron tamén moitos veciños e persoas doutros lugares de Galicia e España que mostraron deste xeito a súa homenaxe a Jesús Castaño Galdo, vítima das xenreiras e da violencia que o golpe do 1936 desatou, e que con actos coma os de hoxe “queremos vir a crebar ese muro de silencio que segue a día de hoxe impedindo pasar páxina”.
“Non dubidamos que o acto deste domingo é un alicerce que vai ter unha continuidade nestes concellos da Faladora. É un compromiso que Nordés toma como propio e polo que seguirá traballando edición a edición, ano a ano”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
