O candidato agradece “o apoio dos compañeiros que asinaron o seu aval” e comprométese a “devolver esta confianza traballando dende a responsabilidade para avanzar nunhas Novas Xeracións de todos e para todos”
Lugo, 10 de agosto de 2024. O Comité Organizador do Congreso de NNXX da provincia de Lugo vén de proclamar a Miguel Gallego candidato á presidencia da formación, despois de verificar o preto do cento de avais á súa candidatura que foi a única presentada ante os organizadores do cónclave que se celebrará o vindeiro 6 de setembro na sede do Partido Popular.
O portavoz do PP de Samos de 26 anos agradece “o apoio dos compañeiros que asinaron o seu aval” e comprométese a “devolver esa confianza traballando dende a responsabilidade para avanzar nunhas Novas Xeracións de todos e para todos”.
Licenciado en Administración e Dirección de Empresas e gandeiro titular da súa propia explotación, Gallego aposta polo “traballo e a unión” para “lograr xuntos alcanzar as nosas metas”.
O candidato á presidencia destaca que “dende o noso partido se está apostando polos valores que nos permitan enfrontarnos aos retos actuais coma aos vindeiros” e defende que “nós como mocidade, sen esquecer o traballo que nos deixan outros feito, temos a responsabilidade do futuro nas nosas mans”.
Unha vez proclamada formalmente a candidatura desenvolverase unha campaña interna. E a celebración do congreso de NNXX da provincia terá lugar o 6 de setembro na sede do Partido Popular, aberta a tódolos mozos e mozas que queiran participar.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
