Os populares cren que “se non se dilapidaran os cartos dos veciños de Burela en cuestións coma estas, seguramente si lle sairían as contas á señora López Moreno para aumentar a seguridade que demandan os veciños e veciñas de Burela”
Burela, 9 de agosto de 2024. Os concelleiros populares de Burela amosan a súa sorpresa ante “as escusas da alcaldesa e o goberno bipartito dicindo que non ten cartos para sufragar o custe de servizos esenciais demandados polos propios veciños” cando “está a dirixir os cartos de tódolos veciños a gastos que non se producían no pasado ou aos que se dirixían cantidades máis reducidas”.
O portavoz, Manuel Rouco, refírese “ás facturas que o Grupo Municipal Popular sacou á luz no último pleno por valor de máis de 35.000 euros”: case 20.000 euros en consultorías de Pontevedra e A Coruña de asesoramento técnico, preto de 11.000 euros en comunicación e 5.000 euros no que vai de ano en protocolo, “algo que antes nunca sucedera”.
O popular afea que “o goberno local recorra ao asesoramento técnico externo como se no Concello non houbera persoal cualificado para este fin” e engade: “parece que a señora López Moreno precisa que lle digan tamén onde se ten que sentar e como dirixirse aos seus propios veciños”.
“A señora López Moreno segue engordando a caixa de gastos” que son “dificilmente explicables” como é o caso dos “case 4.000 euros abonados en concepto de transporte sen que no detalle figure o desprazamento efectuado”. Tamén hai “facturas pagadas pola alcaldesa que non teñen asignada nin contía nin datos sobre a empresa ou autónomo que as emite”. Neste novo lote, “son tres, concretamente”.
Os populares aseguran que “entendemos agora a negativa da alcaldesa á hora de contratar máis policías locais argumentando que era moi custoso. Se non se dilapidaran os cartos dos veciños de Burela en cuestións coma estas, seguramente si lle sairían as contas á señora López Moreno para aumentar a seguridade que demandan os veciños e veciñas de Burela”.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
