O deputado Julio Abalde presenta unha iniciativa na que insta á Xunta de Galicia a que intensifique os seus esforzos para que os pósitos galegos poidan acceder aos fondos estruturais da UE, que González Casares califica de “fundamentais” para o sector
Santiago de Compostela, 10 agosto de 2024. O eurodiputado socialista Nicolás González Casares e o deputado autonómico Julio Abalde reforzan a súa posición a favor das singularidades do sector pesqueiro galego na reforma da Política Pesqueira Común (PPC) da Unión Europea. Ambos subliñan a necesidade de que as confrarías de pescadores galegas teñan un papel destacado nesta reforma, dada a súa relevancia tanto no ámbito social como económico.
González Casares defende que “as confrarías representan boa parte do tecido social e das comunidades pesqueiras en Galicia, e por iso é esencial que sexan consideradas na reforma da PPC, tanto a nivel social como económico”. O eurodiputado socialista galego destacou que levará esta reivindicación a Bruxelas para, dixo, asegurar , que a acuicultura, o marisqueo e a pesca artesanal galegas sexan defendidas nos foros europeos.
Paralelamente, o deputado autonómico Julio Abalde presentou unha iniciativa no Parlamento de Galicia para pedir o apoio a toda a Cámara para o recoñecemento das confrarías de pescadores como entidades equivalentes ás organizacións de produtos pesqueiros, para que poidan acceder aos fondos estruturais europeos, como o Fondo Europeo Marítimo, de Pesca e da Acuicultura (FEMPA).
“É unha reivindicación histórica das confrarías que Bruxelas recoñeza o seu papel fundamental na xestión pesqueira. A Xunta de Galicia debe intensificar os seus esforzos para que poidan acceder aos fondos estruturais da UE”, afirmou o deputado do PSdeG.
En Galicia, a maioria das 63 confrarías de pescadores non só teñen un papel clave na xestión pesqueira, na produción e na comercialización, senón que tamén levan a cabo un traballo fundamental no eido da responsabilidade social.
Os socialistas galegos comprométense a seguir traballando conxuntamente para que Galicia teña un papel relevante na reforma da Política Pesqueira Común, tanto en Santiago como en Bruxelas, garantindo que se teña en conta a voz e os intereses das comunidades pesqueiras galegas.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
