Os concelleiros populares e o Grupo Provincial preguntarán no Pleno se houbo avances no procedemento informativo e de actuacións previas para o que a alcaldesa solicitou colaboración ao servizo de asistencia e asesoramento técnico aos Concellos da Deputación de Lugo, á vista de que pasan as datas máis importantes para a vila e non chegan as solucións
Viveiro, 6 de agosto de 2024. Os populares advirten que “Viveiro leva preto de 6 meses sen efectivos da Policía Local” e esixen “explicacións sobre o que fixeron e que se tomen en serio o problema ofrecendo solucións”.
A voceira municipal, Mariña Gueimunde, censura que “nin a alcaldesa nin o seu goberno foron quen de dar solución a un problema” que se estende dende finais de febreiro cando a totalidade dos efectivos do Corpo de Policía Local deixaron de prestar servizo por atoparse de baixa polo que “o servizo se encontra de facto totalmente suspendido e inactivo, segundo as resolucións da Alcaldía”.
Os grupos municipal e provincial esixirán explicacións en Pleno para saber a actual situación do corpo da Policía Local de Viveiro e en que punto do procedemento informativo e de actuacións previas para o que solicitou colaboración ao servizo de asistencia e asesoramento técnico aos Concellos da Deputación de Lugo aberto o 1 de marzo pola alcaldesa apertura dun procedemento informativo e de actuacións previas para determinar as circunstancias excepcionais acaecidas.
O portavoz provincial, Antonio Ameijide, condena que “de novo vemos como o actual goberno da Deputación nunca está á altura das circunstancias, o Concello de Viveiro ten un problema enorme coa Policía Local, levan meses sen servizo e no momento no que se multiplica a poboación da vila, nin goberno municipal nin provincial fan nada”.
Os populares preguntan, ademais, se xa está firmado o convenio co Concello de Lugo para o instrutor, se xa se comezou a instrución e as declaracións dos implicados porque, polo que sabemos, aínda non hai nada: nin un paso.
ANTECEDENTES
O día 1 de marzo tamén se celebraba a única reunión de portavoces ata o momento sobre este asunto, coñecíamos a solicitude ao servizo de prevención de riscos laborais da emisión de informe de avaliación de riscos psicosociais dos postos de traballo por decreto da Alcaldía e a solicitude de colaboración da Deputación de Lugo a través do servizo de asistencia e asesoramento técnico aos Concellos para levar a cabo a tramitación do expediente informativo e de actuacións previas.
“Dende aquela o único que transcendeu foi que en maio fora nomeado o instrutor do expediente, pero seguimos sen saber se xa se iniciaron as actuacións -intervencións, entrevistas ou procedementos para analizar os feitos e condutas- ou se xa foi emitido o informe de avaliación de riscos que a alcaldesa resolvía solicitarao servizo de prevención de riscos laborais”, subliñou Gueimunde.
Os populares lamentan que “pasara a Semana Santa, o Resurrection Fest, a Feira Renacentista, o Corpus Christi e que estamos afrontando xa o mes de agosto no que a poboación de Viveiro se multiplica e, polo tanto, as incidencias en materia de seguridade viaria e cidadá se incrementan sen este servizo”. É máis, “seguimos sen coñecer os avances e a previsión do goberno local para solventar o problema”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
