O ciclo celebrarase os sábados 10, 17, 24 e 31 de agosto e o domingo 8 de setembro
Ortigueira, 7 de agosto de 2024. O Concello de Ortigueira presenta a cuarta edición do ciclo de concertos ‘Sons non Claustro’, que levará a cabo os sábados deste mes de agosto (días 10, 17, 24 e 31) e o domingo 8 de setembro.
O idílico escenario do Claustro do Concello acollerá a grupos de estilos moi variados, buscando atraer a todo tipo de públicos. Ademais, como nas tres edicións anteriores, será completamente gratuíto ata que se complete o aforo do recinto.
O pistoletazo de saída darao ‘Lle Barluthier’, este sábado 10 de agosto ás 20:30 horas. Este espectáculo baséase nun pianobar que mestura o música jazz ou swing coa comedia. A cola do piano convértese nunha barra de bar obre a que se serven copas nunha viaxe no tempo aos anos 30, 40 e 50.
O vindeiro sábado, á mesma hora, será a quenda de ‘ABRIL Fado Atlántico’. Este trío formado por Sara de Sousa, Iría Quintá e Daniel Adzemian naceu en Ferrolterra en 2007 e ofrece unha proposta musical que vai máis aló do tradicional fado portugués, incluíndo no seu repertorio pezas de tango, choriño brasileiro ou outras músicas atlánticas, aínda que interpretadas coa instrumentación típica do fado.
O día 24 será a quenda de ‘O camaleón musical’. Vadim, Mauricio e Alfredo póñense a proba interpretando co seu acordeón, guitarra e clarinete estilos tan diferentes como música clásica, bandas sonoras, folk, jazz e pop. Trátase dun concerto didáctico e é o ideal para toda a familia.
O toque clásico poñerao, o último domingo de agosto, o dúo ‘The Duellist’. Con Sara Ember ao violín e Samuel Antón ao violoncelo e guitarra ofrecen un repertorio amplo que vai desde pezas de clásicos como Vivaldi, Bach ou Mozart ata música popular como bandas sonoras de películas e música folk.
Como colofón a estas cinco semanas de concertos, o domingo 8 de setembro, ás 12:30 horas, a coruñesa Silvia Penide ofrece unha sesión vermú (que conta coa colaboración con Vermú Lodeiros) que non deixará indiferente a ninguén. Cunha dilatada traxectoria no pop acústico, conta con sete traballos discográficos e gañou dous premios Martín Códax da Música Galega nas categorías de Pop/Indie e Canción de Autor/a.
En caso de condicións climatolóxicas adversas, os concertos serán trasladados ao Teatro da Beneficencia.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
