Dende a asociación anunciase o inicio de mobilizacións ante o incumprimento por parte da consellería de Cultura, Educación, Formación Profesional e Universidades dos acordos sobre agrupamentos previstos para o curso 2024/2025 e a supresión da praza de especialista en pedagoxía terapéutica no centro de Alfoz
Alfoz, 12 de setembro, 2024. A ANPA do CEIP Plurilingüe Castro de Ouro de Alfoz, despois de ser informados dende o centro educativo, e confirmado pola propia inspección, do incumprimento por parte da Consellería de Cultura, Educación, Formación Profesional e Universidades dos acordos sobre agrupamentos previstos para o curso 2024/2025, manifesta o seu total rexeitamento a esta situación.
No día de hoxe, coincidindo co inicio do curso, foron testemuñas do malestar das familias, agravado polo anuncio de que “ademais de non mandar un mestre a maiores para cumprir o acordo de ratios de agrupamento, atopámonos que nos eliminan a especialista en Pedagoxía Terapéutica coa que contaba o centro, todo isto nun curso no que aumentou o alumnado” indican Dende a asociación.
O CEIP Plurilingüe Castro de Ouro, é un dos 8 centros da provincia de Lugo afectados polo incumprimento do acordo de melloras respecto á ratio da RESOLUCIÓN do 10 de xaneiro de 2024 (publicado o 17 de xaneiro de 2024) onde se recolle no punto 2.7 que nas aulas que escolaricen alumnado de diferentes niveis, ciclos e/ou etapas educativas serán de aplicación os ratios contemplados no acordo de agrupamentos do alumnado de 10 de xullo de 2009.
Dende a Anpa recordan que “o noso centro conta co número de alumnos por agrupamento de distinto ciclo necesarios para a aplicación deste acordo”, subliñando ademais que “o centro poida contar con alumnos con necesidades específicas de apoio educativo” algo incompatible coa eliminación de especialistas. Así mesmo, pregúntanse “que vai a pasar cando falte algún profesor”, pois Dende a Xefatura xustifican que non sería preciso xuntar grupos, xa que hai profesores de garda ou especialistas que segundo a distribución das xornadas poderían cubrir esa necesidade, “algo que no noso centro non se cumpriría coa eliminación da especialista en Pedagoxía Terápeutica”
O pasado mes de xuño, a Anpa do CEIP Castro de Ouro enviou á Xefatura Territorial da Consellería de Cultura, Educación, Formación Profesional e Universidades un escrito indicando a situación na que se atoparía o centro neste curso 24/25, “sen recibir ningún tipo de resposta por parte da Xefatura Territorial”, todo iso a pesares do aumento de matrícula.
Dende a asociación indican que se trata dun “agravio contra os colexios do rural e particularmente contra o noso centro que non estamos dispostos a aceptar, polo que esiximos á Xefatura Territorial que se manteña a praza de especialista en Pedagoxía Terapéutica e se cumpran os acordos anteriormente citados” e reflexados na RESOLUCIÓN de 10 de xaneiro de 2024, da Dirección Xeral de Centros e Recursos Humanos, pola que se da publicidade do texto do Acordo entre esta consellería e as organizacións sindicais C.OO., ANPE e UXT-SP Ensino sobre medidas que melloran o funcionamento do sistema educativo e as condicións laborais do persoal funcionario e laboral docente da Comunidade Autónoma de Galicia que imparte as ensinanzas reguladas na Lei Orgánica 2/2006, de 3 de maio, de educación.
Ante esta situación, a Anpa do CEIP Castro de Ouro de Alfoz, á espera da resposta da Xefatura Territorial, ten inicialmente convocada unha concentración á entrada do centro educativo, ás 9:30 horas do luns 16 de setembro, “non descartando outro tipo de iniciativas encamiñadas á defensa do ensino público dos nosos fillos e fillas”.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
