Lugo, 6 setembro de 2024. A Xunta de Goberno da Deputación de Lugo aprobou este venres dous acordos de colaboración cos concellos de Lugo e Barreiros destinados a impulsar iniciativas que melloren os servizos públicos e que dinamicen a economía local. Así o informou o Deputado de Promoción Económica e Social, Pablo Rivera, quen enmarcou estas novas colaboracións dentro do compromiso da Deputación cos concellos da provincia “para que conten cos recursos necesarios para favorecer a promoción turística e mellorar os servizos e dotacións da veciñanza”.
Por unha banda, a Deputación de Lugo achega 50.000€ ao Concello de Lugo para a celebración do Arde Lucus deste ano 2024. Unha contribución, explicou Rivera Capón, “que fixo posible que un dos espectáculos estrela, como é o circo romano, volvese ser un dos maiores atractivos desta festa, declarada de Interese Turístico Internacional”. Ademais, a colaboración da institución provincial serviu tamén para apoiar a organización e a montaxe dos campamentos das 19 asociacións que forman parte do Arde Lucus, así como coa contribución da cesión de espazos públicos para o desenvolvemento das actividades, e coa promoción do evento mediante vídeos realizados polo noso Servizo de Audiovisuais, campañas publicitarias, e a participación en feiras turísticas e medios de comunicación.
“Dende a Deputación vimos mantendo un compromiso firme con esta cita que celebra a historia romano-castrexa de Lugo, un auténtico motor económico para a cidade e a provincia. A nosa contribución foi fundamental nas últimas edicións, garantindo o éxito e crecemento do Arde Lucus, que atrae milleiros de visitantes tanto a nivel nacional como internacional”, subliñou. Neste senso, incidiu o Deputado que “seguiremos traballando man a man co Concello de Lugo para dar aínda maior visibilidade a este evento cultural e histórico, que xa se consolidou como un referente no calendario festivo e turístico”.
Por outro lado, na Xunta de Goberno desta mañá tamén se aprobou un convenio de colaboración co Concello de Barreiros, por un importe de 17.000€, destinado ao Programa + Concilia Barreiros. Esta iniciativa, á que a institución local destina unha achega de preto de 4.000€, trata de favorecer a conciliación laboral dunhas 92 familias do municipio durante os períodos non lectivos.
Neste programa participan 280 nenas e nenos do concello de Barreiros de entre 4 e 12 anos de idade e desenvolveuse os días de Semana Santa, a última quincena do mes de xuño e esta primeira quincena de setembro. “O obxectivo principal é que as familias poidan compaxinar a vida profesional e laboral coa crianza dos seus fillos, unha necesidade que está á orde do día e da que somos plenamente conscientes dende a Deputación de Lugo”, sinalou Pablo Rivera. Por iso, apoiamos, dixo, iniciativas coma esta que combinan actividades educativas e de lecer, ao mesmo tempo que tamén fomentan o desenvolvemento integral dos cativos e cativas durante as vacacións.
En concreto, os nenos participantes poden desfrutar de: actividades deportivas e culturais, actuacións relacionadas co respecto ao medio natural e accións vencelladas ao coñecemento de hábitos de vida saudables ou que fomenten valores como a igualdade de xénero, entre outras moitas propostas.
Contrato de equipos de impresión, copia e escaneo da Deputación
Na Xunta de Goberno deste venres quedou licitado o contrato, por un importe de preto de 450.000€, para a subministración de equipos de impresión, copia e escaneo destinado ao persoal da Deputación, informou o Deputado de Promoción Económica e Social. O contrato, en réxime de arrendamento sen opción a compra, sae a licitación por unha duración inicial de dous anos, con posibilidade de prórroga por outros dous anos máis. O novo contrato entrará en vigor ao rematar o actual, en febreiro do ano 2025, distribuído en tres anualidades ata o ano 2027..
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
