Preto de 300 persoas participarán neste evento deportivo de BTT que se celebrará este sábado, 28 de setembro, con saída ás 11.00 horas desde a Praza do Concello
Lugo, 26 de setembro de 2024. O Deputado de Promoción Económica e Social, Pablo Rivera Capón, o Concelleiro de Deportes da Fonsagrada, Silbán Rodríguez, e varios representantes da Asociación Deportiva Cultural Balompé da Fonsagrada presentaron este xoves no Pazo de San Marcos a décima edición da proba ciclista Ruta dos Lobos que se celebrará no municipio fonsagradino este sábado. Preto de 300 persoas participarán neste evento deportivo de BTT co que colabora a Deputación de Lugo e que sairá ás 11.00 horas desde a Praza do Concello.
Durante a presentación da cita, Pablo Rivera Capón destacou que a Deputación colabora dende os seus inicios coa promoción e a difusión desta proba cicloturista, “que hoxe ten un efecto multiplicador e transversal na Fonsagrada, dinamizando a economía e o turismo do concello e de toda a comarca da Montaña”. Nese sentido, aproveitou para lembrar que mañá a Ruta dos Lobos da Fonsagrada recibe un dos premios que entrega a Deputación á excelencia turística.
Rivera Capón puxo en valor o traballo do Alcalde da Fonsagrada e Deputado de Medio Ambiente, Carlos López, e tamén ao seu equipo de Goberno “por deseñar un evento deportivo, duro polas súas características técnicas, pero que contén un enorme valor paisaxístico polos fermosos lugares da Montaña lucense polo que transcorre a ruta”.
Características da cita deportiva
Como anos anteriores, a ruta terá un percorrido circular, con saída e meta, na Praza do Concello. Haberá dous percorridos segundo o nivel de dificultade. Un longo, de 50 quilómetros, cun desnivel de máis de 1.850 metros positivos, e un curto, de 26 quilómetros e un desnivel de 1.000 metros, ambos con puntos de avituallamento que volverán a ofrecer produtos como o mel ou os chourizos.
Os dous itinerarios transcorrerán polas marxes do río Porteliña. Este ano a organización recupera parte do trazado das primeiras edicións, que sigue polo río Lamas, pasa pola praia fluvial Pena do Inferno, polo sendeiro Estrada da República e continúa polas marxes do río Navia. O punto máis baixo do percorrido será Río de Porcos e dende aí a carreira terá unha gran subida de 9 quilómetros e medio ata o Alto de Pedras Apañadas, o regreso cara a Fonsagrada será polo Camiño Primitivo.
A organización habilitará lavado de bicicletas no Campo da Feira, zonas de duchas, un servizo de gardería para facilitar a conciliación dos corredores e unha cea ás persoas que o desexen para degustar un menú típico da Fonsagrada.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
