Pon en valor que por parte da Xunta se levase a cabo un plan integral, a través do que se buscaba garantir a salubridade, evitar o fraude, reforzar a actividade inspectora e endurecer o Código Penal
Vigo, 9 de setembro de 2024. O conselleiro do Mar, Alfonso Villares, apela á colaboración institucional para a loita contra a pesca ilegal e brindar así ao sector o futuro que se merece, dado que esta práctica non regulada prexudica á recadación fiscal, diminúe o rendemento económico do sector ou afecta á imaxe dos produtos do mar, á seguridade alimentaria dos consumidores e aos recursos mariños.
Así o expuxo o responsable autonómico no transcurso da inauguración do IV Curso de Fortalecemento de Capacidades para a Aplicación do Acordo sobre Medidas do Estado Reitor do Porto (AMERP), que se celebra dende hoxe ata o dia 26 na cidade olívica e que conta coa colaboración do departamento que dirixe Villares, da Axencia Europea de Control da Pesca, da FAO e Segepesca, entre outros.
Galicia ten un firme compromiso con este problema; de aí que para palialo e concienciar á poboación do mesmo, dende a Xunta se desenvolvese un plan integral que buscaba, en primeiro lugar, preservar os recursos mariños, evitar o fraude e garantir a salubridade dos produtos; segundo, reforzar a actividade inspectora, a través dunha colaboración máis estreita coa Fiscalía Superior de Galicia, a Unidade de Policía Adscrita e co sector na Mesa do Furtivismo; terceiro; aumentar os efectivos de Gardacostas, así como medios navais, aéreos e terrestres; e, finalmente, traballar para endurecer o Código Penal. Asemade, existe un sistema de trazabilidade plena e estase en contacto co ministerio para reducir todo tipo de furtivismo.
Acordo subscrito por 79 países
Con esta fin, a administración autonómica tamén se asociou á FAO; unha institución que lidera o esforzo internacional para asegurar o acceso regular a alimentos de alta calidade e impulsou o AMERP; o primeiro tratado internacional de carácter vinculante centrado especificamente na pesca ilegal. Creado en 2016, xa foi subscrito por 79 países, procedentes de 105 estados.
A cuarta edición do curso está dirixida a inspectores de pesca da zona do Caribe, concretamente de Panamá, Saint Kitts e Nevise, San Vicente e Grandinas; Santa Lucía; Trinidad e Tobado; e Grenada. As anteriores desenvolvéronse en 2018 e 2023 e foron deseñadas para profesionais auditores de América Latina (Ecuador, Costa Rica, Panamá, Perú e Colombia) e da África francófona (Guinea Conakri, Madagascar e Mauritania).
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
