O delegado territorial visitou un dos establecementos adheridos, situado en Outeiro de Rei, onde lembrou que poden seguir sumándose novos negocios ata o 2 de decembro
Outeiro de Rei, 25 de setembro de 2024. O delegado territorial de Lugo, Javier Arias, animou hoxe aos usuarios do Bono Turístico da Xunta a que o empreguen nalgún dos 79 establecementos de toda a provincia participantes na campaña. Remarcou que ata o próximo 2 de decembro poden seguir sumándose novos negocios.
Arias visitou en Outeiro de Rei un dos aloxamentos adheridos, Casas da Fortaleza, onde destacou o éxito da cuarta edición desta iniciativa, que esgotou en 15 días os 16.666 bonos dispoñibles.
Remarcou que o obxectivo é axudar a desestacionalizar a demanda turística, polo que o período no que os beneficiarios poden empregar os descontos abrangue dende o 10 de setembro ata o 25 de decembro.
Os bonos están en formato de código QR e teñen un importe de 150 euros cada un, cofinanciados nun 40% pola Xunta en nun 60% polos particulares. Na páxina web bonoturismo.gal pódese consultar toda a oferta, formada por case 470 hoteis, casas de turismo rural, campamentos, apartamentos turísticos, vivendas e albergues turísticos repartidos por toda Galicia.
“Nas edicións anteriores comprobamos que este programa supón unha inxección importante para o sector e para economía das zonas nas que están os negocios inscritos”, dixo Arias.
Na mesma liña, destacou o impacto positivo doutras campañas en marcha como o 18º Outono Gastronómico de Turismo Rural, tamén impulsada pola Xunta para dinamizar o sector nesta época do ano. Os consumidores teñen ata o 15 de decembro para desfrutar das promocións en 77 establecementos galegos, 23 deles lucenses. Toda a información está dispoñible na páxina web da Axencia de Turismo de Galicia.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
