Alcaldesa e Concelleiro trasladaron o esforzo de investimentos realizado polo Administración Local, conscientes da necesidade de actuar dun xeito inmediato, constante e programado
Barreiros, 26 de setembro de 2024. A alcaldesa de Barreiros, Ana Ermida, acudiu acompañada do concelleiro de Medio Ambiente, Dámaso Ratoeira, a unha xuntanza co director xeral de Augas de Galicia, na que tamén participou o xerente do organismo.
A rexedora tiña solicitada esta xuntanza, ao igual que con outras instancias da administración galega, para trasladarlles unha situación na que se precisa “altura de miras e responsabilidade na xestión”.
“Non é só a situación actual, senón a que vai darse a medio prazo, coa reactivación da execución dunhas licencias que foron outorgadas sen a existencia de servizos e que condicionan a evolución real do municipio”, asegura.
Ana Ermida cualificou a xuntanza como “esperanzadora”, xa que “se abriu unha vía de diálogo e cooperación que agardamos que poida dar os froitos esperados”.
A alcaldesa manifestou ante o director xeral a súa preocupación por unha insuficiencia de servizos que “se xa é notable agora mesmo, vai ir a peor no momento en que se executen licenzas que foron autorizadas pola propia Xunta no seu día vinculadas a un investimento de 14 millóns de euros que non chegou a realizarse.”
“Son licenzas concedidas e en vigor, cos condicionantes que se puxeron naquel momento e que vinculan a execución; sen que a normativa existente permita modificalas por parte deste goberno municipal”.
Ana Ermida explicou que os anuncios de obras novas non son máis que “retomar as obras que quedaran paradas arredor do ano 2007, executándose acorde ás licenzas que se concederon naquel momento e, polo tanto, ás normas técnicas vixentes entón”.
A depuradora de San Miguel, o epicentro da reunión
Aínda que no decorrer da xuntanza se trataron diversas cuestións, tanto de saneamento como de abastecemento, o núcleo da mesma foi a construción da depuradora de San Miguel, por ser a que debera dar servizo a todas esas vivendas autorizadas no seu momento.
Ana Ermida destacou a actitude cooperadora do director xeral de Augas de Galicia e amosou a esperanza de abrir novas vías que poidan permitir acadar a financiación necesaria para acometer as obras.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
