Os traballos duraron sete semanas e supuxeron un investimento de máis de 71.000 euros
Ortigueira, 26 de setembro de 2024. O Concello de Ortigueira concluíu as obras de pavimentación e mellora dos camiños que dan acceso aos lugares de Vilar e Ou Castro, na parroquia de Devesos. Estas actuacións, que incluíron a renovación do firme mediante aglomerado en quente, a limpeza de cunetas, a instalación de embocaduras de formigón para drenaxe, a formación de novas cunetas e a sinalización viaria, levaron a cabo co obxectivo de mellorar a seguridade e accesibilidade tanto para o tráfico rodado como para os peóns.
As vías en cuestión conectan con diversas instalacións agrogandeiras e parcelas de uso agrícola, polo que estas melloras resultaban especialmente necesarias para garantir un acceso seguro e adecuado para os vehículos que transitan pola zona. A intervención, que tivo un prazo de execución de sete semanas, contribuirá de maneira significativa a facilitar o desenvolvemento das actividades económicas da área, así como a mellorar a calidade de vida dos veciños.
Estas obras enmárcanse dentro das competencias municipais en materia de infraestrutura viaria e pavimentación, consideradas un servizo mínimo obrigatorio conforme á Lei Reguladora das Bases do Réxime Local.
O proxecto foi financiado pola Axencia Galega de Desenvolvemento Rural (AGADER) cun orzamento inicial de licitación de 89.556,20 euros, sendo finalmente adxudicado por 71.395,00 euros tras o procedemento de licitación.
Con esta intervención, o Concello de Ortigueira reforza o seu compromiso coa mellora das infraestruturas locais e a seguridade viaria nas áreas rurais do municipio.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
