Os deputados provinciais Antonio Ameijide e José María Fernández, xunto ao alcalde de Ribadeo, Daniel Vega, comprobaron o estado no que se atopa esta estrada que precisa “con urxencia” unha renovación do firme para garantir a seguridade dos seus usuarios
Ribadeo, 22 de setembro de 2024. Os deputados populares Antonio Ameijide e José María Fernández, xunto ao alcalde de Ribadeo, Daniel Vega, comprobaron o estado da estrada provincial LU-P-5207, que discorre por este municipio mariñán, unha vía que conta cunha elevada densidade de circulación que precisa dunha renovación xa que con conta con fochancas que “a volven moi perigosa”.
O voceiro popular, Antonio Ameijide, explica que dende o Concello de Ribadeo xa se pediu ao goberno provincial o arranxo desta estrada “sen que polo momento se tivese a ben atender esta reclamación” a pesar de que “é necesaria xa que por esta vía circula unha gran cantidade de vehículos a diario, polo que non está garantida a seguridade dos seus usuarios”.
Ameijide ve nesta estrada “outro exemplo máis” da “falta de preocupación” do goberno de José Tomé e os seus socios do BNG polo mantemento da rede viaria provincial. “A realidade é que na provincia hai 66 concellos nos que as estradas provinciais se atopan nun estado lamentable, mentres que só hai un no que están en perfecto estado de revista”, denunciou.
O voceiro popular esixe a PSOE e BNG “altura de miras e unha preocupación real” pola seguridade dos usuarios das estradas provinciais. “Ao longo de toda a provincia a falta de mantemento é preocupante, volvendo esta rede de estradas que vertebra Lugo de norte a sur en vías perigosas para os condutores”, denunciou.
Finalmente, Ameijide recordou que a rede viaria provincial “é obra de gobernos do PP á fronte da Deputación de Lugo, contando con moitos menos cartos dos que teñen a súa disposición PSOE e BNG para realizar o mantemento, o que demostra que o único que falta é vontade de querer solucionar os problemas”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
