O delegado territorial, Javier Arias, explica que a actuación executouse en dous treitos da estrada, o que une as travesías de Castroverde e O Cádavo e o que transcorre entre A Lastra e A Fonsagrada
Baleira, 7 de outubro de 2024. A Consellería de Vivenda e Planificación de Infraestruturas está a rematar a obra de mellora do firme en 28 quilómetros da estrada autonómica LU-530 ao seu paso polos concellos de Castroverde, Baleira e A Fonsagrada. O contrato foi adxudicado en xuño e o investimento ronda os 1,2 millóns de euros.
A intervención serviu para acondicionar dous treitos da vía: os 8,78 quilómetros que separan as travesías de Castroverde e O Cádavo (Baleira) e a conexión de 19,34 quilómetros entre A Lastra (Baleira) e A Fonsagrada.
O delegado territorial da Xunta, Javier Arias, comprobou hoxe os traballos na travesía do Cádavo, que finalizarán previsiblemente esta semana. Deste xeito quedará completada a renovación do pavimento en todo o tramo acondicionado, para continuar agora co repintado da sinalización horizontal nas zonas obxecto da mellora.
As obras centráronse na rehabilitación da calzada nos puntos nos que estaba deteriorada. Para iso realizáronse fresados localizados e reposición do firme con mestura bituminosa a carril completo.
Arias lembrou que no ano 2019 tamén se acondicionou a capa de rodaxe da travesía de Castroverde. Con esta nova actuación, afirmou, mellóranse as condicións da vía e a seguridade dos usuarios.
Por último, o delegado explicou que esta obra forma parte dun contrato cun orzamento global de 2,4 millóns de euros para mellorar tres estradas autonómicas ao seu paso pola provincia de Lugo. Ademais da LU-530, inclúe tramos da LU-122 na Pastoriza e Riotorto e da LU-113 en Castro de Rei e Cospeito.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
