Alfoz, 12 de outubro, 2024. As familias do CEIP Plurilingüe Castro de Ouro de Alfoz, a través da súa ANPA, veñen de tomar unha decisión drástica ante o que consideran unha situación insostible: se a Xunta de Galicia non responde de maneira inmediata ás demandas do centro, iniciarán unha folga indefinida a partir do martes, deixando de enviar aos seus fillos e fillas ao colexio. A decisión foi consensuada entre a totalidade das familias despois últimos acontecementos, agravados polas declaracións do Conselleiro e a falta de resposta da Inspección educativa coa Xefatura Territorial de Lugo, tras intentar contactar no día de onte.
O punto máis crítico nesta situación é a falta dun especialista en Pedagoxía Terapéutica (PT), unha figura fundamental para atender o alumnado con necesidades educativas especiais. A ANPA denuncia que, “a pesar de que a inspección de Lugo enviou un informe favorable a Santiago, avalando esta necesidade, non se recibiu ningunha resposta oficial ata o momento”.
A comunidade educativa considera inaceptable a falta de reacción por parte das autoridades, e subliñan que as declaracións do Conselleiro de Educación, Román Rodríguez, no Parlamento de Galicia, non fixeron máis que empeorar a situación. Na súa intervención do pasado mércores, o Conselleiro afirmou que este ano o posto de PT fora substituído por unha especialista en Audición e Linguaxe (AL), argumentando que o ano pasado a PT só atendía a un alumno.
Ante estas declaracións, as familias do centro tachan estas palabras de “faltar á verdade”. “Xa tiñamos unha especialista en Audición e Linguaxe o ano pasado”, subliñan, aclarando que a figura de AL non substitúe a PT, pois atende a outro tipo de necesidades educativas. Ademais, insisten en que “o curso pasado a PT atendía a máis dun alumno, polo que o conselleiro debería informarse mellor antes de facer ese tipo de afirmacións públicas”.
Ademais, a ANPA critica tamén as afirmacións do Conselleiro respecto ao cumprimento progresivo do acordo de agrupamentos. Este acordo, firmado polas autoridades educativas, comprometíase a unha reorganización das aulas con agrupamentos de diferentes ciclos. Non obstante, a Xunta de Galicia está a incumprir este compromiso, aplicando unha interpretación “progresiva” que non respecta a literalidade do acordo asinado. Esta actuación é contraria á postura dos sindicatos asinantes, que xa manifestaron o seu desacordo con esta interpretación, pois “o acordo non indica que se aplique de forma progresiva no caso dos centros con agrupamentos de diferentes ciclos, como agora pretende impoñer a Consellería”.
Esta manipulación da realidade por parte da Consellería, segundo a ANPA, está a xerar unha gran frustración entre as familias, que consideran que o centro educativo “está a ser discriminado en comparación con outros centros galegos onde se están a cumprir os acordos asinados ou se tomaron medidas correctivas de maneira rápida”.
Ante esta situación, a ANPA convocou unha nova concentración para o vindeiro luns ás 9:30 da mañá, fronte ao colexio, co obxectivo de reclamar unha resposta inmediata por parte da Xunta. De non obter solucións inmediatas, “as familias están decididas a iniciar unha folga indefinida, deixando de enviar os seus fillos ao colexio”, indican desde o colectivo.
As familias consideran esta medida extrema como a única forma de presionar ás autoridades para que atendan dunha vez por todas as necesidades educativas dun centro que, segundo elas, está a ser abandonado de forma inxustificable. “Non queremos máis excusas nin datos erróneos, queremos solucións reais para os nosos nenos e nenas”, conclúen.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
