O secretario xeral do PSdeG avogou en Ferrol por unha planificación que garanta o respecto ao medio ambiente e os beneficios para as comunidades locais
Ferrol, 26 de outubro de 2024. O secretario xeral do PSdeG, José Ramón Gómez Besteiro, sinalou hoxe en Ferrol a transición enerxética como “a verdadeira oportunidade para o noso país”. Entre outros beneficios, as renovables “van atraer futuro e mellores empregos vinculados ao noso potencial industrial”, afirmou durante a xornada do ciclo Diálogos con Raíz “Transición ecolóxica, retos e oportunidades para Galicia e Europa”, organizada pola delegación española do Grupo da Alianza Progresista dos Socialistas e Demócratas no Parlamento Europeo, da man do eurodeputado do PSdeG Nicolás González Casares.
Besteiro asegurou que os socialistas están “comprometidos cos retos de país”, entre os que destacou o da enerxía, “despois dese parón do Partido Popular durante 15 anos no campo das renovables”. O futuro, apuntou, “pasa por planificar máis e mellor e adaptarse á normativa europea” para impulsar un sector clave no desenvolvemento da comunidade.
O líder socialista chamou á Xunta a poñer fin “a esa posición de enfrontamento co Goberno central” e a centrarse en crear “máis seguridade xurídica” para os proxectos que teñan a intención de asentarse no país, pero tamén lle esixiu ao Goberno de Rueda que a aposta pola transición enerxética se traduza “a través de orzamentos e de instrumentos para que as renovables protagonicen non só o noso presente, senón fundamentalmente o noso futuro”.
A todos eses aspectos, José Ramón Gómez Besteiro sumou “un respecto absoluto ao medio ambiente” e a necesidade de medidas para “trasladar os beneficios ás comunidades locais, á xente que vive onde se asentan os proxectos enerxéticos e aos concellos, que deben ter un papel protagonista”.
O secretario xeral compareceu ante os medios durante un descanso da xornada na compaña de González Casares, que asegurou: “Queremos mandar unha mensaxe moi clara: o Partido Socialista cre na transición ecolóxica, lidera a transición ecolóxica e quere liderala en Galicia fronte aos bandazos do PP nas políticas climáticas e enerxéticas”. O eurodeputado valorou especialmente que na xornada participaron representantes da industria, do ámbito académico, do movemento ecoloxista e dos sindicatos, porque “os socialistas queremos debater, escoitar á cidadanía para ir cara adiante e non volver atrás”, subliñou.
A xornada contou para a súa apertura coa presenza do director xeral do IDAE, Joan Groizard, tras a presentación por parte do secretario de Transición Enerxética e Planificación Industrial do PSdeG, Ángel Mato, mentres que a clausura correu a cargo de José Ramón Gómez Besteiro.
O debate desenvolveuse arredor de dúas mesas. A primeira estivo moderada pola xornalista Beatriz García Couce e tratou a transición enerxética. Nela participaron o secretario nacional da Asociación Nacional de Produtores de Enerxía Fotovoltaica (ANPIER), Juan Castro Gil; o director financeiro de Forestal del Atlántico, Alberto López Pampín; o profesor da Escola Técnica Superior de Enxeñaría da Universidade de Santiago de Compostela (USC), e membro do Foro Fieito, Óscar Rodríguez Figueiras; a asesora xurídica da Asociación Eólica de Galicia, Cristina Pedrosa Leis, e o eurodeputado Nicolás González Casares.
O xornalista Julio Pérez dirixiu a segunda, sobre os retos e as oportunidades das políticas climáticas. Interviñeron o delegado de Iberdrola en Galicia, Francisco Silva Castaño; o responsable de cohesión territorial da Fundación Renovables, Diego Ferraz; o secretario xeral de UGT-FICA Vigo, Rubén Pérez Prego; o coordinador de Greenpeace en Galicia, Manoel Santos, e a voceira de Industria do Grupo Socialista no Parlamento de Galicia, Patricia Iglesias.
Debates abertos á sociedade coa participación de expertos e expertas de distintos ámbitos
Diálogos con Raíz é un ciclo de debates abertos á sociedade que o PSdeG está levando a diferentes puntos da xeografía galega para reforzar o proxecto socialista. Nel participan expertas e expertos de diferentes eidos. Moitos deses relatores non teñen vinculación co partido, co obxectivo de fomentar a diversidade das achegas en asuntos como a transición enerxética, o financiamento autonómico e local, a igualdade, a sanidade, a dependencia e os servizos públicos en xeral.
Os encontros, intercalados co traballo no programa do Congreso Federal, servirán para afondar nun proxecto político plural e enriquecer o relatorio do Congreso Nacional que se celebrará o próximo ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
