Oito alumnos e alumnas participan na especialidade de mantemento de xardíns e outros tantos centraranse en actividades de xestión cultural
Ribadeo, 1 de outubro de 2024. O delegado territorial da Xunta, Javier Arias, participou na inauguración dun novo obradoiro de emprego para menores de 30 anos que comeza hoxe en Ribadeo e Barreiros. Está promovido polos concellos e financiado pola Consellería de Emprego, Comercio e Emigración cunha achega de 438.600 euros.
O programa, denominado Máis Emprego, conta con 16 alumnos e alumnas que se formarán e realizarán actuacións de interese público en dúas especialidades con boa saída laboral. Unha está centrada no mantemento de xardíns e a outra na programación de accións culturais. Cada unha conta con oito participantes, que durante os 12 meses de duración do taller contarán cun contrato de traballo.
As accións proxectadas inclúen o acondicionamento de zonas verdes en máis dunha vintena de puntos dos dous concellos. En Ribadeo traballarán no Forte de San Damián e nos parques de San Francisco e dos Indianos, entre outros; mentres que en Barreiros ademais de mellorar diferentes espazos crearán unha nova área verde xunto á zona escolar de San Cosme.
En canto ao módulo de dinamización cultural, impulsará o proxecto Ribadeoxcultura, que ten entre os seus obxectivos potenciar a identificación dos ribadenses co seu municipio, difundir a súa riqueza patrimonial e poñer en valor a historia e as singularidades dos diferentes barrios.
Tamén revisarán o catálogo de actividades socioculturais que se desenvolven nas parroquias de Ribadeo e Barreiros para definir novos criterios e propostas; e deseñarán o programa de animación física e deportiva Paseando pola vida, con accións para fomentar o deporte e a vida saudable entre a veciñanza.
Arias destacou que “os obradoiros melloran a cualificación profesional e a empregabilidade das persoas demandantes de emprego”. Subliñou que en Ribadeo e Barreiros acaba de rematar outro taller xuvenil tamén financiado pola Xunta centrado no sector dos coidados. Ademais, en breve comezará o obradoiro dual Constrúe en verde, que durará nove meses e mellorará a formación e as perspectivas laborais doutras 20 persoas desempregadas – neste caso non vai dirixido a mozos e mozas menores de 30 anos senón que se priorizan colectivos con especiais dificultades de inserción -.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
