Foz, 26 de outubro de 2024. O alcalde de Foz, Fran Cajoto, e o concelleiro Ángel Fernández reuníronse este venres con Alberto Burundarena, presidente da asociación A Ribeira, e outros membros do colectivo. Acordaron traballar man a man polas infraestruturas portuarias do concello.
Fran Cajoto destaca que “a asociación A Ribeira leva facendo un traballo inxente desde o ano 2015: reivindicando melloras nas infraestruturas portuarias de Foz, pero tamén impulsando dunha maneira definitiva a relevancia da pesca deportiva, como organizadora das quedadas de pesca e das xornadas de pesca con señuelo que se veñen celebrando na nosa vila desde hai máis de cinco anos. Desde que entramos no goberno vimos reclamando a Portos de Galicia a mellora das instalacións portuarias. Falamos do acondicionamento da explanada portuaria, da mellora das condicións e aumento de amarres en Porto Chico e da recuperación do calado cunhas dragaxes que son moi urxentes”.
O alcalde explica que “a asociación A Ribeira preguntounos polas xestións feitas desde o Concello para axilizar a aprobación ambiental polo Ministerio de Transición Ecolóxica do estudo de impacto do proxecto de dragaxe plurianual, de 1,13 millóns de euros, que ten publicado Portos de Galicia. Agardamos que haxa boas novas en próximas datas e así llo trasladamos, despois das conversas que puidemos manter co Servizo Provincial de Costas e do apoio do Delegado do Goberno, co que nos reunimos recentemente. A Ribeira demandounos de novo axuda con este trámite e tamén unha carta de apoio ao proxecto de dragaxe. Comprometémonos con eles e mandaremos un escrito a Portos de Galicia, para que canto antes liciten a obra, unha vez superados os trámites ambientais. Preocúpanos que se retrase porque non aparece partida específica no Proxecto de Lei dos Orzamentos para o 2025 aprobado pola Xunta o pasado 17 de outubro”.
Máis retraso leva o proxecto de ampliación de Porto Chico, unha iniciativa da Asociación A Ribeira pola que leva loitando moitos anos e que o equipo de goberno apoiou antes incluso de chegar á Alcaldía. “Somos coñecedores de que se está a traballar nun anteproxecto. Este ano 2024 incluíase unha partida nos orzamentos da Xunta de unicamente 25.000 euros, que se repite nos orzamentos do 2025. Solicitamos unha reunión á presidencia de Portos de Galicia para coñecer o avance do documento xa en marzo do 2023 e aínda non fomos convocados. Imos solicitala de novo, para aportar de forma construtiva na fase de redacción, traballar de forma conxunta e evitar erros que dean lugar a reclamacións ou alegacións. Xa é hora de que o Porto Chico sexa útil para as embarcacións, se resolvan os problemas de oleaxe e correntes dentro do porto e se melloren os amarres en calidade e cantidade. Coas condicións que ten Foz dispoñer duns portos en condicións vaille a dar un impulso definitivo á náutica na nosa vila”, remata Fran Cajoto.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
