Os populares piden á alcaldesa e ao voceiro que “analicen con seriedade a información que transmiten” e que a “proben con feitos e documentos”
Lourenzá, 15 de outubro de 2024. O PP de Lourenzá pide á alcaldesa e ao voceiro que lle redacta ás súas comunicacións que “analicen con seriedade a información que están a transmitir aos veciños e veciñas” e que “proben con feitos e documentos as súas afirmacións”. Así mesmo, recórdanlles que “son vostedes os que deben dedicarse a traballar” atendendo á responsabilidade que lles conferiron os laurentinos que “merecen un goberno que demostre a súa capacidade para xestionar o noso Concello”.
Os populares lembran que “unha forma moi sinxela de demostrar quen di a verdade sería aceptar, dunha vez por todas, algo que xa solicitamos en varias ocasións: a gravación dos plenos municipais. Isto permitiría que os veciños puidesen ver e escoitar as realidades por eles mesmos”.
Pero, “todo parece indicar que ao goberno local non lles interesa que os veciños saiban o que se di nos plenos. Tal e como dixo o seu portavoz: o que queira saber de que van os plenos pode vir a eles. Queda clara a total falta de vontade do goberno local por facilitar aos veciños e veciñas que coñezan os asuntos do seu interese que se abordan nos plenos municipais”.
Os populares inciden en que “existe unha opción que xa está implementada na maioría dos concellos: a retransmisión en directo das sesións plenarias e a súa gravación para que calquera veciño interesado poida visualizar en calquera momento os asuntos tratados nos plenos”.
Os concelleiros do PP de Lourenzá esixen á alcaldesa e aos membros do goberno local que “non traten de desviar a atención respecto de asuntos que ten a responsabilidade de resolver”. No caso do transporte para a educación non regrada –porque o transporte da educación obrigatorio é competencia da Xunta e xa o está a cumprir-, “foi o propio goberno local o que se comprometeu a financiar en anos anteriores. Agora os pais teñen que asumir integramente o seu custe mentres a alcaldesa di que vai mirar o tema”.
En relación ás pistas forestais, lembramos que “a vostedes parece non preocuparlles este asunto, como xa vemos dende fai anos. Pero a realidade é que os veciños están preocupados e seguimos pensando que o abandono destas infraestruturas é alarmante; toda vez que de producirse algún incendio, os vehículos de emerxencia non poderían acceder por algunhas pistas por estar en limpar”.
Os concelleiros do PP afean que “aínda por riba, o goberno local teña a desfachatez de xustificar a súa decisión de non solicitar a brigada contra incendios, financiada pola Xunta, non limpa pistas municipais e forestais; cando todos sabemos que, noutros concellos, estas brigadas están a realizar desbroces onde é necesario”.
Os populares cren que “o goberno local non está a priorizar o benestar dos veciños nin a xestión eficaz dos recursos do Concello”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
