Efrén Castro participou neste encontro lúdico, que complementa as 130 visitas a granxas e pequenas producions que se están a desenvolver na terceira edición do programa
Lugo, 23 de outubro de 2023. Alumnas e alumnos do CEIP de Riotorto gozaron esta mañá dun encontro cos Bolechas no marco do programa Da Escola á Granxa, organizado pola área de Rural da Vicepresidencia da Deputación de Lugo, que financia visitas de escolares de infantil e primaria a granxas, pequenas producións agrarias e obradoiros alimentarios do rural para achegar ás novas xeracións ao sector primario.
As personaxes creadas por Pepe Carreiro teñen un papel dinamizador nesa iniciativa xa que son os protagonistas do libro “Os Bolechas van da escola á granxa”, no desenvolve dun xeito didáctico e ameno os obxectivos do programa e que se entrega a todas as nenas e nenos que participan nas visitas a través das anpas.
A maiores, os colexios entran no sorteo dun encontro coas coñecidas personaxes infantís que, nesta edición, premiou ao colexio riotortense, que participa no programa desde a primeira edición, en 2022, e que, nesta edición, visitaron a produción de plantas aromáticas, especias e hortalizas deshidratadas Milhulloa, en Palas de Rei.
O vicepresidente da Deputación Efrén Castro agradeceu “á anpa e ao profesorado a participación no programa que supón un reforzo para a iniciativa e, especialmente, para as produtoras e produtores que reciben as visitas, que ven recoñecido e valorado o seu traballo” e destacou a contribución que “Os Bolechas fan a esta iniciativa da área de Rural co libro “Os Bolechas van da escola á granxa” que trasmite as nenas e nenos o papel fundamental que o sector primario ten na produción de alimentos e no mantemento da biodiversidade do territorio e da paisaxe”
O CEIP de Riotorto é un dos máis de 40 colexios que participan nas 130 visitas e obradoiros que se desenvolven nesta terceira edición do programa, na que participan 34 granxas, producións agrarias e pequenas producións alimentarias das distintas comarcas.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
