Lugo, 15 de outubro de 2024. Os socialistas da provincia de Lugo pídenlle ao PP “máis traballo e menos fotos, porque esas escenificacións que fan só son cortinas de fume para ocultar a súa falta de propostas serias”. Apuntan que os populares, nun intento desesperado por ocultar a súa incapacidade para presentar propostas construtivas, se vexan na obriga de “tirar de armario” para encher reunións que contan con menos da metade dos alcaldes e portavoces que din representar. É lamentable que se utilicen estas tácticas para intentar crear unha falsa imaxe de respaldo”.
Desde o PSdeG-PSOE “instamos ao Partido Popular a deixar de lado as fotos e as poses, e a centrarse no que verdadeiramente importa: o traballo serio e construtivo polos veciños e veciñas de Lugo. A rede viaria provincial, como outras infraestruturas, está a ser mellorada polo goberno da Deputación, con proxectos que responden ás necesidades reais da poboación. As súas críticas, sen fundamento nin propostas alternativas, non contribúen ao avance que todos desexamos para a provincia”.
Mentres o PP segue preocupado polas fotos, desde o goberno da Deputación “estase traballando para mellorar a provincia, investindo na modernización das infraestruturas, no mantemento dos espazos públicos e en proxectos que atenden ás demandas sociais”, afirman, ao tempo que explican que “a veciñanza da provincia de Lugo merece un compromiso real, non simples campañas de imaxe. Nós seguiremos comprometidos co desenvolvemento e benestar de todos os municipios, traballando día a día dun xeito serio e rigoroso para facer de Lugo unha provincia mellor”, afirman dende o PSdeG.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
