Ribadeo, 22 de outubro de 2024. Ribadeo convértese nun referente na Mariña lucense e no Occidente asturiano coa posta en marcha dunha oficina cl@ve para a obtención do certificado dixital. O alcalde, Dani Vega, subliñou que se trata aposta pola modernización do Concello, que evitará desprazamentos innecesarios á veciñanza.
O rexedor considera que “seguimos modernizando o Concello e por iso queremos habilitar unha oficina clave como complemento á creación dunha identidade dixital. Destacar que xa van máis de mil citas atendidas para a obtención dun certificado dixital. Isto antes non se facía en Ribadeo, había que acudir a outras administracións e agora sí. Así damos un salto cualitativo para a modernización en materia dixital do noso Concello”.
Vega explicou que “as persoas que precisen obter o certificado dixital poden acudir con cita aquí ás instalacións municipais e, nese marco do compromiso continuo coa modernización, a mellora dos servizos públicos, o Concello de Ribadeo reafirma un apoio total á cidadanía na adopción de ferramentas dixitais que simplifiquen e axilicen os trámites administrativos. Por iso, habilitamos esta oficina dixital, esta oficina de rexistro clave para esa identidade dixital. Este é un paso clave dentro dunha estratexia de modernización, tamén do noso Concello. Hai que camiñar na liña da inversión, da xestión, pero tamén da modernización das administracións e neste caso do Concello”.
O alcalde indicou: “por iso, hai que entender que o Concello nestes momentos está facendo un esforzo para asesorar, para que todo o mundo poida ter este rexistro clave, aquí no Concello. E non teña que ir a outros municipios ou a outras administracións para conseguir ese rexistro clave para conectarse con outras administracións para facer calquera tipo de xestión, de petición, de mover documentos… Iso xa se pode facer aquí no noso Concello. Polo tanto, calquera persoa que queira vir pode pedir cita de forma presencial ou tamén xa na nosa páxina web www.ribadeo.gal e aí xa vai poder conseguir esa cita e vai ser atendido e asesorado para ter ese certificado dixital para que poida facer todo tipo de trámite coas administracións”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
