O Capóns de Vilalba Rugby Club, en colaboración co Concello e a Federación Galega de Rugby, organiza unha cita que traerá á capital chairega 16 clubs e máis de 300 rapaces e rapazas
Vilalba, 9 de outubro de 2024. A alcaldesa de Vilalba, Marta Rouco, e a Concelleira de Deportes, Paula Vigo, presentaron hoxe a I Concentración de Escolas de Rugby xunto ao presidente do Capóns de Vilalba Rugby Club, Alfredo Pintor, cuxo equipo será o anfitrión da xuntanza.
O vindeiro sábado 19 de outubro, a partir das 10:30 horas, terá lugar a I Concentración de Escolas de Rugby da tempada no Estadio Municipal da Madalena e o campo anexo, recentemente acondicionado polo Concello para a práctica do rugby.
“Estamos comprometidos co deporte e coas nosas instalacións deportivas, así o amosamos coas numerosas inversións e actuacións que vimos de realizar na meirande parte delas”, sinalou a alcaldesa, Marta Rouco, quen engadiu que “no campo de rugby levouse a cabo un adecentamento para adaptalo á práctica deste deporte, colocando dúas novas porterías e acondicionando o terreo á normativa”.
Grazas a este evento, chegarán a Vilalba tódalas escolas de rugby base de Galicia, é dicir, 16 clubs de rugby procedentes de diversos municipios galegos. O que suporá unha concentración de máis de 300 rapaces e rapazas que practican este deporte en catro categorías diferentes: M6, M8, M10 e M12.
Nesa liña, a alcaldesa de Vilalba, Marta Rouco, amosou o seu agradecemento ao equipo anfitrión, o Capóns de Vilalba Rugby Club, a quen recoñeceu “o magnífico traballo que fai, o seu compromiso con este deporte e a súa predisposición para organizar eventos deste nivel, que son un beneficio para o deporte pero tamén para a vila e para todos os veciños e veciñas”.
Ademais da colaboración do Concello de Vilalba, a organización tamén contará co apoio da Federación Galega de Rugby que nesta ocasión depositou a súa confianza en Vilalba para convertela, por primeira vez, no epicentro da I Concentración de Escolas de Rugby.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
