A Mariña, 29 de outubro de 2024. Viveiro, O Valadouro, Mondoñedo, Ribadeo e Lourenzá serán as seguintes paradas do 31 de outubro ao 3 de novembro dos programas da Mancomunidade da Mariña: Plans e Obradoiros con Corazón.
Plans con Corazón
Na ponte festiva as rutas e visitas guiadas de Plans con corazón arrincarán o venres, día 1, co Penido, megalitismo e outras curiosidades dos altos do Valadouro da man de Boris Vilar. Os participantes terán a oportunidade de descubrir a sorprendente natureza da Serra do Xistral.
A deus rogando, co mazo dando é a ruta que o 2 de novembro discorrerá por Mondoñedo guiada por Noela Feal. Os asistentes coñecerán a historia da cidade episcopal, visitarán o barrio dos Muíños e achegaranse ao taller artesanal de Toni Arenas.
O mesmo sábado por Ribadeo terá lugar a ruta Da horta ao mar, vila comercial dan man de Carmen Delia (La Guiateca), que realizará un percorrido para descubrir o pasado e o presente do municipio e o seu impacto comercial. Os asistentes coñecerán e escoitarán a un produtor agrícola de faba.
E o domingo, 3 de novembro, a ruta Lendas, paisaxe e cultura discorrerá por terras de Lourenzá con Carmen Delia. O Camiño de Santiago, o Mosteiro de San Salvador ou a figura de Fernández del Riego serán os protagonistas da xornada.
Aínda quedan prazas dispoñibles para participar nestas actividades. As persoas interesadas poden obter máis información e inscribirse en https://amarinalucense.gal/es/a-marina-planes-con-corazon.
Obradoiros con Corazón
E esta semana o xoves 31 de outubro arrinca a nova iniciativa da Mancomunidade de Concellos da Mariña Lucense: Obradoiros con corazón, que foi presentada hai uns días en Mondoñedo. Está destinada a xerar un novo programa de posta en valor da actividade artesanal no destino e atraer un turismo desestacionalizado, mediante a creación de experiencias inmersivas que acheguen ás persoas visitantes e á poboación local á rica tradición artesanal da comarca.
Durante esta ponte desenvolveranse catro dos seis obradoiros programados.
-Iniciación á cerámica contedora de alimentos con Regal Cerámica, en Viveiro., que terá lugar o 31 de outubro de 17.00 a 19.00 horas para público familiar. Aforo completo.
-A animalidade benéfica con Miratú, en Mondoñedo, que será o 2 de novembro de 11.00 a 13.00 horas para público familiar. Aforo completo.
-Un garda lentes moi persoal con Raíces Nómadas, en Ribadeo. Tamén o 2 de novembro de 17.00 a 19.00 horas para público adulto. Aforo completo.
-E Marioneta co Fantástico Taller dos Títeres, en Mondoñedo, prevista para o 3 de novembro de 11.00 a 13.00 horas para público familiar. Prazas dispoñibles.
Desde a Mancomunidade animan á xente a desfrutar das diversas opcións e propostas que existen na Mariña e que permiten coñecer en detalle o territorio da man de expertos guías e anfitrións; especialmente durante esta ponte festiva así como para organizar unha viaxe curta durante este outono.
Actividades da pasada fin de semana
Pola parroquia de Lieiro, en Cervo, Onde se unen o liño e o mar discorreu unha das rutas da pasada fin de semana, que contou coa participación de 13 persoas procedentes de Burela, Ribadeo, Viveiro, Lourenzá, Foz e A Coruña. Esta foi guiada por Noela Feal. E Sabor a mar, en Foz, foi a ruta conducida o domingo por Ana Pena á que acudiron 8 persoas chegadas de Foz, Burela, Lourenzá, Lugo, Madrid e Valladolid.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
