Trátase dunha iniciativa de dinamización comercial que se desenvolverá do 2 ó 27 de novembro con 42 negocios participantes
Viveiro, 2 de novembro de 2024. A Asociación de comerciantes do Centro Histórico de Viveiro pon en marcha a campaña Rasca e Gaña con 20.000 premios.
Este tipo de tarxetas con premios son un incentivo promocional moi exitoso, e cumpren un dobre obxetivo, por un lado fomentar as ventas no comercio local e por outro premiar a fidelidade dos clientes.
Serán un total de 42 negocios participantes de tódolos sectores, polo que os premios serán moi variados.
Participan:
FYM Moda, Dr.Zapato, Kody, Sanjurjo Moda, Kalea, Misstic, Complementos Sulian, Versus, Tacones, Vogue, Pasteleria Vale, Muebles Catá, Bmd, Jonathans, Cesar Cocina y Baño, Biá-Biá, Nacar, Albo Zapaterias, Albo 55 Sneakers, Calzados Albo, Carlos Fotógrafos, Mimimó, Cobelinha, Optica Rosario, Tejidos Rogelio, Van Surf, Van Surf Sneakers, Africa Copias, Oscar Joyeros, Confecciones Justo Vazquez, Cocolatte, Platax, Sca Masajes, Peluquería Angeles Salgueiro, Latitud Doce, Mesón A Ria, Fusión Cafetería, Delicias De Belkis, Cornelius Taberna, Pulpería O Panadeiro e Cafetería Cantábrico.
Poderanse atopar con premios como un porcentaxe de desconto nas próximas compras, descontos en sesións de estudio de fotografía, en masaxes, en experiencias en salóns de peiteados, ou en produtos de coidado do cabelo, ou premios como gafas de sol, téxtiles de cociña, reloxos, pendentes, alfombras de baño, regalos sorpresa, entradas de cine, cafés, cervexas, almorzos completos, merendas, hamburguesas, tostas, batidos, cubatas, ceas, botellas de viño, e moito mais. Unha gran variedade de premios, que serán un total de 20.000, a desfrutar ata o 27 de novembro, dia en que finaliza esta campaña.
O rascas serán entregados cas compras ou consumicións nos negocios participantes, o cliente que resulte agraciado cun premio deberá canxealo no negocio que indica o rasca. Os premios poden canxearse ou reclamarse ata o 27 de novembro (data máxima) e non son acumulables entre si nin a outras promocións.
Esta campaña conta ca colaboración da Xunta de Galicia dentro das actividades de dinamización dos centros comerciais abertos.
Cabe lembrar, que a partir do dia 4 de novembro a Xunta de Galicia tamén pon en marcha unha nova edición dos Bonos Activa Comercio, polo que é unha fantástica oportunidade para gastar os 30€ dos Bono e nesas compras acadar un premio nos Rascas do CCHV.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
