A Deputada de Muller e Igualdade leu o manifesto acordado polos tres grupos políticos do organismo provincial, destacando que neste 25N de loito “reafirmamos o noso compromiso coa loita pola igualdade e coa erradicación da violencia contra as mulleres, unha tarefa que corresponde a toda a sociedade como parte dun esforzo colectivo para transformar as estruturas que perpetúan o machismo e a desigualdade”
Lugo, 25 de novembro de 2024. A Deputación de Lugo conmemorou o Día Internacional da Eliminación da Violencia contra as Mulleres cun acto na Praza de San Marcos, onde membros da Corporación provincial gardaron un minuto de silencio en repulsa polas dúas agresións contra as mulleres acontecidas esta fin de semana en Lugo e Vilalba; e o caso que se investiga en Orihuela como un posible crime machista.
Tras o minuto de silencio, a Deputada de Muller e Igualdade, Marisol Morandeira, leu a Declaración Institucional acordada polos tres grupos políticos da Corporación provincial polo Día Internacional para a Eliminación da Violencia contra a Muller, que defende a unión na loita contra os feminicidios e os ataques ás mulleres. Subliñou que neste 25N de loito, con maior intensidade, se reafirma o compromiso da Deputación coa loita pola igualdade e coa erradicación da violencia contra as mulleres. “Esta é unha tarefa que corresponde a toda a sociedade, un esforzo colectivo para transformar as estruturas que perpetúan o machismo e a desigualdade”, recolle o documento.
A declaración tamén fai especial mención á situación dos concellos pequenos, especialmente no ámbito rural, que precisan unha maior cooperación das administracións do Estado. Aínda que a violencia contra as mulleres é un problema transversal, a resposta debe ser adaptada ás especificidades do medio rural. Neste sentido, a Deputada destacou que “a situación das mulleres no rural, con menos acceso a servizos públicos, con maior peso das estruturas tradicionais, con menos centros de información ou postos das forzas e corpos de seguridade, incrementa os factores de risco”.
Escape room e actividades nos CAMs
O programa de actos en conmemoración do 25 de novembro completouse hoxe coa primeira Escape Room titulada Axúdame, por favor, organizada polo alumnado do Centro de Formación Audiovisual da Deputación de Lugo. O Deputado de Promoción Económica e Social, Pablo Rivera Capón, participou na actividade, que se levou a cabo durante a mañá no propio centro, e que se centrou na historia de Clara, unha muller atrapada nunha relación abusiva, tanto emocional como física.
Ademais, a programación deste 25N tamén incluiu actividades nos Centros de Atención a Maiores da Deputación de Lugo. No CAM de Pedrafita de Cebreiro, desenvolveuse unha actividade interxeracional coa participación do alumnado de secundaria do CPI Uxío Novoneira. A actividade consistiu en analizar os estereotipos de xénero presentes no conto clásico de Brancaneves e reverter a súa historia, creando unha nova versión do conto nunha mesa redonda cos estudantes. Xunto co alumnado, tamén tivo lugar o acto de lectura do conto modificado, que abordou a igualdade e os roles de xénero desde unha perspectiva de xénero no CAM de Pedrafita.
No CAM de Fonsagrada, realizouse a performance Trapos sucios fóra, na que as mulleres do centro presentaron mensaxes de liberación e empoderamento feminino. Nesta performance, as participantes expuxeron os “trapos sucios” como símbolo das dificultades e opresións, para logo mostrar os “trapos limpos”, representando a súa renovación, forza e a súa vitoria contra a violencia machista.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
