Os deputados populares demandan ao goberno de PSOE e BNG a mellora das estradas provinciais en concellos da zona sur que comunican a Ribeira Sacra e ao Goberno de Sánchez a convocatoria da mesa de Alcoa e medidas para garantir a viabilidade da planta na Mariña
Lugo, 25 de novembro de 2024. Os deputados do Grupo Provincial Popular pedirán no pleno da Deputación de Lugo que o PSOE e o BNG se posicionen sobre o desenvolvemento da provincia no que se refire ao ámbito industrial e ao das comunicacións.
Por unha banda, incidirán na necesidade de desenvolver un plan para a reparación, mellora e mantemento das vías provinciais como están a reclamar de xeito reiterado á vista das queixas que lles trasladan alcaldes, portavoces e os propios veciños. Nesta ocasión, os populares fan fincapé no estado case intransitable de moitas estradas da Deputación nos municipios do sur da provincia -como Bóveda, A Pobra do Brollón, Pantón, Sober ou Carballedo, por citar algúns- que ocasionan trastornos diarios aos usuarios ao dificultar a súa mobilidade e, ademais, a conexión dos visitantes con puntos de interese turístico da Ribeira Sacra.
O portavoz, Antonio Ameijide, lembra que “o clamor polo pésimo estado de vías provinciais chegou ao pleno nalgún dos Concellos onde estas reivindicacións foron apoiadas de forma unánime polos grupos dos distintos partidos”.
E, por outra banda, tamén levarán ao pleno provincial a situación de incerteza de Alcoa nun contexto no que o Ministerio leva meses sen convocar a mesa de seguimento do pacto no que están representados a empresa, os traballadores e as administracións públicas; se fixo público un preacordo con Ignis supeditado ás achegas públicas para facer viable a planta da Mariña; e os traballadores volven a mobilizarse para demandar solucións.
A iniciativa dos populares recolle instar ao Goberno de Sánchez a convocar a mesa de forma urxente, autorizar os parques eólicos vencellados a subministración de enerxía a Alcoa e a desenvolver medidas para garantir a viabilidade da fábrica: aumentar ata o máximo permitido para as industrias electrointensivas as axudas por compensacións de CO2 e articular liñas de axudas públicas, igual que outras empresas consideradas estratéxicas para o Estado.
Os deputados do PP tamén preguntarán cal é a previsión do goberno de PSOE e BNG para a Casona do Incio, unha propiedade de titularidade provincial que, como moitas outras, “se atopa nun estado de total abandono, deteriorándose a pasos axigantados, en lugar de recuperala e poñela en valor para o uso dos lucenses”. En xullo do 2021 acordárase por unanimidade recuperar o edificio, pero “pasaron máis de tres anos e o único que fixo a Deputación de Lugo foron actuacións de apuntalamento”.
O goberno provincial tamén prometera fai 14 anos unha residencia aos veciños e veciñas do Saviñao nunha parcela no casco urbano de Escairón. Á vista do seu incumprimento, piden explicacións ao goberno de Tomé sobre os plans que ten previstos para a parcela que, a día de hoxe, en lugar de estar ofrecendo un servizo aos veciños e veciñas, está abandonada”.
O Grupo Provincial Popular tamén trasladará ante o pleno outras demandas continuas de veciños e veciñas como é a reparación da estrada LU-P-6305 que conecta co reemisor do Cadramón (O Valadouro) que leva anos sen ningún tipo de mantemento polo que o seu estado é intransitable para turismos.
Así mesmo, os deputados do PP, tras escoitar as queixas dos propios veciños e veciñas de Galdo, piden ao goberno de PSOE e BNG actuacións para mellorar a seguridade dos peóns na estrada LU-P-6602 ao seu paso por esta parroquia viveirense. Recentemente incluso se produciron dous incidentes nos que dous vehículos arroiaron a dúas persoas.
Ante a situación de perigosidade que os veciños e veciñas xa trasladaron ao goberno bipartito local sen obter ningunha solución, os representantes do PP na Deputación trasladan a súa demanda para a instalación de redutores de velocidade ao seu paso polos núcleos de poboación; ademais de solicitar a habilitación, sempre Os deputados populares demandan ao goberno de PSOE e BNG a mellora das estradas provinciais en concellos da zona sur que comunican a Ribeira Sacra e ao Goberno de Sánchez a convocatoria da mesa de Alcoa e medidas para garantir a viabilidade da planta na Mariña
que sexa posible, de espazos para peóns pola marxe da vía.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
