O encontro está enmarcado nas reunións periódicas entre a Consellería do Mar e os máximos representantes do sector pesqueiro no modelo de xestión de cogobernanza da actividade pesqueira e marisqueira da comunidade
Santiago de Compostela, 25 de novembro de 2024. O conselleiro do Mar, Alfonso Villares, presidiu hoxe un novo encontro con representantes das Federacións de Confrarías de Pescadores para avaliar o grao de execución do Plan de Competitividade e Sostibilidade do Marisqueo en Galicia e analizar posibles novas necesidades do sector susceptibles de ser recollidas en próximas actuacións.
Na reunión o responsable autonómico destacou a regulación das coñecidas como ‘demasías’ na modificación da Lei de Confrarías de Pescadores de Galicia que vai incluída na Lei de Medidas que se está a tramitar xunto cos Orzamentos autonómicos para o vindeiro ano. O obxectivo é que os pósitos poidan contar entre os seus recursos o obtido oen primeira venda dos excedentes de marisco que en ningún caso poden superar os topes establecidos no propio plan de xestión ou nas autorizacións mensuais emitidas pola Consellería.
O titular de Mar resaltou as bondades desta medida que mellorará a financiación propia das confrarías para atender as actividades vinculadas cos plans de xestión do marisqueo, favorecendo a súa autonomía económica. Tamén que es te cambio normativo permitirá o desenvolvemento regulamentario desta práctica, permitindo a súa ordenación e aplicación baixo criterios uniformes á vez que aporta transparencia na forma en que cada unha das entidades realiza a xestión de excedentes.
Alfonso Villares, acompañado polo equipo directivo da Consellería do Mar, deu conta ao sector das medidas executadas ou en execución no marco do plan autonómico por valor de máis de 50 millóns de euros en axudas directas, medidas de apoio económico e planificación recollidas no plan dotado con 123 millóns de euros. Cifras que para o titular de Mar reflicten o avanzado grao de execución dos compromisos alcanzados cos máximos representantes do sector pesqueiro.
Así, destacou as achegas autonómicas de carácter extraordinario para profesionais e entidades sectoriais, ás dirixidas ás paradas temporais da actividade extractiva, á xestión integral dos recursos biolóxicos mariños, á protección e recuperación da biodiversidade dos ecosistemas ou os proxectos de planificación, adecuación e mellora das zonas de produción.
Tamén puxo en valor o desenvolvemento de importantes proxectos de investigación mariña a través dos centros de investigación dependentes da Consellería do Mar como o Centro de Investigacións Mariñas (CIMA), o Centro Tecnolóxico do Mar (Cetmar) ou o Instituto Tecnolóxico para o Control do Medio Mariño, así como a través da plataforma Redemar e as universidades galegas co obxectivo de afondar na sostibilidade da actividade pesqueira na comunidade.
Cogobernanza do sector
Esta nova reunión esta enmarcada nas xuntanzas periódicas co sector no marco da cogobernanza da xestión pesqueira e marisqueira na comunidade co obxectivo de analizar as medidas en curso así como as pendentes de execución de cara o novo exercicio orzamentario no que a Consellería de Mar contará con 220 millóns de euros, ao redor dun 3% máis que no 2024. Uns recursos que permitirán afondar nas políticas de apoio á actividade extractiva e reforzar as actuacións de apoio postas en marcha durante este ano.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
