Ao voceiro do PP de Foz chámalle “poderosamente a atención que o alcalde non escoite nin aos seus propios “socios” do BNG, que volven a votar dunha forma diferente”
Foz, 29 de novembro de 2024. PP e BNG, a petición de máis de 500 veciños e veciñas, din “non” a poñer dun único sentido a rúa Corporacións como anunciara Cajoto. Sucedeu no pleno ordinario, celebrado no día de onte, no que se aprobou unha moción presentada polos nacionalistas e apoiada polos populares na que se instaba ao alcalde a escoitar aos cidadáns e a facer unha comisión de tráfico, tal e como leva pedindo o Partido Popular dende fai tempo.
Máis de 500 veciños e veciñas entre os que hai residentes, empresas afectadas, profesionais do tráfico e do transporte firmaron un manifesto, que se rexistrou onte, en contra da decisión de Cajoto de poñer nun sentido Corporacións.
Os populares non queren que as decisións unilaterais do PSOE, como xa fixeron no barrio das Casas Baratas, provoquen máis caos no tráfico. Agora hai dous hemisferios mal comunicados no núcleo urbano que son cortados pola rúa Irmandiños e poñer Corporacións nun só sentido empeoraría a xa mala situación do tráfico.
Ao voceiro do PP de Foz, Javier Castiñeira, chámalle “poderosamente a atención que o alcalde non escoite nin aos seus propios “socios” do BNG, que volven a votar dunha forma diferente. Unha situación crítica da coalición de goberno fallida que non sabemos ata canto vai a durar”.
“O que si sabemos é que o tráfico en Foz en un caos total que empeorou coa obra do barrio das Casas Baratas e, que antes de seguir coa desfeita que propón Cajoto, se deben corrixir situacións como a do cruce entre Salvador de Madariaga, Eduardo Pondal e Otero Pedrayo onde conflúen tres rúas no mesmo sentido”, finaliza Javier Castiñeira.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
