Lugo, 26 de novembro de 2024. O vicepresidente da Deputación de Lugo, Efrén Castro, valorou a aprobación dos Orzamentos da Deputación de Lugo para o 2025 que se ratificou no pleno provincial deste martes, malia a oposición do Partido Popular.
Dos 130 M € que contemplan as contas provinciais para o ano que ven, o vicepresidente destacou a dotación do Plan Deputación, principal instrumento de cooperación cos concellos, que se incrementará un ano máis, chegando aos 22 M€ , e o investimento destinado ao funcionamento da rede de Centros de Atención a Maiores, cunha partida arredor dos 11 M€, para atender unha competencia exclusiva da Xunta de Galicia que, recordou, malia ter as competencias en política social, segue sen construír unha soa residencia pública no rural.
Ademais, repasou as partidas asignadas as áreas de Cultura, Patrimonio e Normalización Linguística; Deportes, Artesanía e Deseño e Memoria Histórica; e Rural, Mar e Mocidade, destacando o papel da entidade provincial como principal sostén do tecido cultural, deportivo e agrogandeiro. Tamén subliñou que duplican o orzamento da área de Rural, que contará en 2025, con 3 M€ e o reforzo das partidas destinadas a programación culturais, que sobe ata o 1,5 M€, e do investimento en infraestruturas deportivas que se amplia os 1,6 M€.
O vicepresidente da Deputación destacou o compromiso do goberno provincial coa elaboración dos orzamentos en tempo para a súa entrada en vigor a comezos de ano, poñendo estes recursos públicos a disposición dos concellos e do tecido económico, social, cultural e deportivo das distintas comarcas desde o 1 de xaneiro.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
