Partido dedicado á campaña “NON á violencia de xénero” de Xunta
Burela, 16 de novembro, 2024. Ás 11.00h desta mañá celebrouse a 10ª xornada da liga de Primeira División Iberdrola FS na que se disputou un dos partidazos da categoría, Pescados Rubén Burela FS – Melilla Ciudad do Deporte Torreblanca en Vista Alegre, cun resultado final 6-2. Neste partido tan especial nosas Pícaras puideron xogar de estrea coa nova segunda equipamento do Pescados Rubén Burela FS, presentada na noite de onte, como detalle distintivo por tratarse dun partido dedicado á campaña da Consellería de Igualdade de Xunta de Galicia, “NON á violencia de xénero” en referencia ao día conmemorativo para esta loita, o 25N. Realizouse un acto previo ao partido no que ambos os equipos, árbitros e representantes institucionais e do club, Manuel Otero Méndez, Xefe do Servizo Provincial de Deportes de Xunta de Galicia; Pablo Prieto, Presidente do Comité Galego de Fútbol sala e Responsable do Fútbol sala Feminino da RFEF e Manuel Blanco, presidente do Pescados Rubén Burela FS; posaron para unha fotografía cunha lona co logo da campaña e a afección ao fondo. Antes deste acto e previa saída das xogadoras a pista, celebrouse tamén a presentación do Campionato de España de Seleccións Sub16 e Sub19 que se disputará entre o 20 e o 24 de novembro no pavillón municipal Vista Alegre de Burela e no pavillón municipal de Viveiro. Participaron na presentación a alcaldesa de Burela, Carmela López Moreno; o Presidente do Comité Galego de Fútbol sala, Pablo Prieto; o Xefe do Servizo Provincial de Deportes, Manuel Otero Méndez e o presidente do club de fútbol sala, Manuel Blanco, que tomaron unha foto co cartel e a imaxe da competición.
Na primeira parte comeza puntuando cedo o conxunto local, grazas a un penalti que lanza Emilly por unha entrada de Bía a Cami na área rival no minuto 4. Desenvólvese a primeira parte con xogo moi parello, moita intensidade e alta competición. Grandísimo papel de Caridad que realiza numerosas paradas a un Torreblanca que, a pesar do resultado, non deixou de mostrar nunca a súa mellor versión, especialmente na primeira parte na que puxo en apertos ás mariñás en numerosas ocasións. No minuto 15 Noelia Montoro fusila case dende o punto de dobre penalti pero Bía detén o disparo. No 16 paradón de Caridad que saca a córner un disparo de Bía nunha contra. Chega o 2-0 pouco antes do descanso, Carolina Pedreira aproveita un rexeite tras unha moi boa xogada individual de Antía Pérez pola banda que finaliza primeiro Patricia sen conseguir anotar.
Na segunda parte o Burela imponse con máis claridade, arrinca marcando distancias no minuto 21 cun golazo de Emilly que a coa xunto ao pau nun lanzamento raso tras un saque de esquina e segundos despois Cami anota o 4-0 rematando un pase de Patricia nunha contra. Chega o primeiro do Melilla no 25 que ataca con Juliana de porteira-xogadora desde o 24, a xogadora brasileira que viste a elástica azul desvía o balón tras un tiro afastado. Pero unha desatada Emilly anota, unha xornada máis, o hat-trick tras un pase de Cami que rouba o balón en presión alta e continúa o baile da brasileira co 6-1 tres minutos despois tras unha recuperación de Noelia Montoro que lla cede para finalizar a porta baleira en plena presión de 5 das rivais. A segundos do final do partido, Nega consegue rascar o segundo golepando ao bordo da área tras unha xogada de 5 para 4.
Remata un partidazo que todo España puido desfrutar a través da canle pública de deportes, Teledeporte, nunha xornada moi especial en Vista Alegre que acaba colocando ás burelenses na primeira posición da táboa clasificatoria, adiantando ao mesmo Torreblanca, á espera de coñecer o resultado entre o Poio Pescamar e o Futsi ás 18.30h desta tarde.
A semana que vén o conxunto de Julio Delgado enfrontarase ao ENCE Marín Futsal en terras pontevedresas ás 17.00h.
Ligazón Fotografías (Fotógrafa: Sabela Blanco, Pescados Rubén Burela FS): https://we.tl/t-VoWJwbz56R
Ficha Técnica Pescados Rubén Burela FS 6-2 Melilla Ciudad del Deporte Torreblanca
Pescados Rubén Burela FS (6): Caridad; Cami, C. Pedreira, Patricia, Emilly- cinco inicial-, Antía Pérez, Dany (C), Noelia Montoro, Dinha, Débora, Cilene. Entrenador: Julio Delgado.
Melilla Ciudad del Deporte Torreblanca (2): Bía; Ana Luiza, Amandinha (C), Jane, Bía Souza -cinco inicial-, Jhennif, Lydia, Nerea, Silvina, Nega, Juliana. Entrenador: Morenín.
Goles: 1-0, min.4: Emilly. 2-0, min.28: Carolina Pedreira. 3-0, min.21: Emilly. 4-0, min.21: Cami. 4-1, min.25: Juliana. 5-1, min.28: Emilly. 6-1, min.31: Emilly. 6-2, min.40: Nega.
Árbitros: Gael García Schmid, Jonathan Manjón Rodero, Pablo Coello Martínez, Andrea de Luis Iglesia.
TA: Cami, Bía, Jhennif, Nega, Amandinha.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
